قاشیقچی جینایتی شبههلیسی توتوقلاندی
جمال قاشیقچی جینایتی ایله ایلگیلی شبههلینین، پاریسدهکی شارل دو گل هاوالیمانیندا سرحد پلیسی طرفیندن گؤزآلتینا آلیندیغی قید ائدیلدی
1744663
عربیستانلی ژورنالیست جمال قاشیقچینین، سعودی عربیستانین ایستانبول باش کونسوللوغوندا اؤلدورولمهسی ایله باغلی بیر شبههلینین، فرانسانین باشکندی پاریسده یاخالاندیغی ایفاده ائدیلدی.
فرانسا مطبوعاتینین، عدلی قایناقلارا دایاندیردیغی خبرلرده، جمال قاشیقچی جینایتی ایله ایلگیلی شبههلینین، پاریسدهکی شارل دو گل هاوالیمانیندا سرحد پلیسی طرفیندن گؤزآلتینا آلیندیغی قید ائدیلدی.
خبرلرده، ۳۳ یاشینداکی شبههلی خالد العتیبینین، سعودی عربیستانین باشکندی ریاضا گئتمک اوزره اوچاغا مینرکهن یاخالاندیغی بیلدیریلدی.
سعودی عربیستان ولیعهدی محمد بن سلمانا قارشی تنقیدلریله بیلینهن و واشینگتن پست قزئتینده یازی یازان جمال قاشیقچینین، ۲ اکتبر ۲۰۱۸ده گئتدیگی سعودی عربیستانین ایستانبول باش کونسوللوغوندا اؤلدورولدوگو و جسدینین پارچالاندیغی اورتایا چیخمیشدی.