حبسخانادا چاتیشما: ۲۴ نفر اؤلدو
چاتیشمالاردا، ۵ محکوم باشی کسیلهرک، دیگرلری ایسه کسیجی آلتلرله اؤلدورولدو
گونئی آمریکا اؤلکهسی اکوادوردا، حبسخانادا چتهلر آراسیندا چیخان چاتیشمادا ۲۴ نفر اؤلدو، ۴۸ نفر یارالاندی.
گوایاکیل شهرینده لیتورال حبسخاناسینداکی یئتکیلیلرین آچیقلاماسینا گؤره، چتهلر آراسینداکی لیدئرلیک ساواشیندان قایناقلانان چاتیشمالاردا، ۵ محکوم باشی کسیلهرک، دیگرلری ایسه کسیجی آلتلرله اؤلدورولدو.
ایلک بیلگیلره گؤره ۲۴ نفرین اؤلدوگو، ۴۸ نفرین یارالاندیغی حادثهلری کنترل آلتینا آلماق اوزره چوخ ساییدا پلیس و عسگری بیرلیگین حبسخانایا چاتدیغی معلوماتی پایلاشیلدی.
بؤلگه ساکینلرینین سوسیال مئدیادا پایلاشدیغی ویدئولاردا، چوخ ساییدا محکومون داملارا چیخدیغی، حبسخانادان ایسه سلاح و پاتلاما سسلرینین گلدیگی ائشیدیلدی.
یئرلی مطبوعاتدا چیخان خبره گؤره، چاتیشما لوس لوبوس و تیگورونس چتهلرینه منسوب عضولرین اولدوغو ۸ و ۹ نؤمرهلی بؤلمهلرده باشلادی.
اؤلکهده ۲۳ جولایدا ایکی آیری حبسخانادا محکوملار آراسیندا چیخان عصیاندا ۲۱ نفر اؤلموش، ۳۵ نفر یارالانمیشدی.