ماساژ سالونلارینا قانلی سالدیری: ۸ اؤلو
سالدیریلاردا حیاتینی ایتیرهنلردن ۶سینین آسیالی قادینلار اولدوغونو بیلدیریلدی
آمریکانین جورجیا ایالتیندهکی ۳ ماساژ سالونونا ائدیلهن سلاحلی سالدیریلاردا ۸ نفر حیاتینی ایتیردی.
آمریکا مئدیاسیندا یئر آلان و آتلانتا پلیسینه دایاندیریلان خبرلره گؤره، دونن آخشام شهردهکی ۳ ماساژ سالونونا سلاحلی سالدیری ائدیلدی.
پلیس اؤنجه یئرلی واختلا گون اورتادان سونرا جورجیانین مرکزی آتلانتانین قوزئیینده، چروکی بؤلگهسینده بیر آسیا ماساژ سالونونا ائدیلهن سالدیریدا ۴ نفرین اؤلدویو قونوسوندا بیلگی پایلاشدی.
بو حادثهدن قیسا مدت سونرا آتلانتا شهر مرکزیندهکی باشقا بیر ماساژ سالونوندا داها ۳ نفرین وورولدوغو و بو سالدیریدان قیسا مدت سونرا یاخینلیقداکی باشقا بیر ماساژ سالونوندا بیر نفرین وورولاراق اؤلدورولدوگو بیلدیریلدی.
حادثهنی آراشدیران پلیس، آخشام ساعاتلاریندا روبرت آرون لونگ آدلی شبههلی توتوقلاندیغینی و هر ۳ سالدیرینین شبههلیسی اولدوغونا ایناندیغینی بیلدیردی.
حادثه ایله باغلی سوروشدورما داوام ائدرکهن آمریکا مطبوعاتی سالدیریلاردا حیاتینی ایتیرهنلردن ۶سینین آسیالی قادینلار اولدوغونو بیلدیردی.