استولتنبرگ امریکا کنگره سینده کی حادثه لری "شوک ائدیجی" آدلاندیریب
ناتو-نون باش کاتیبی ینس استولتنبرگ امریکا کنگره سینده کی حادثه لری "شوک ائدیجی" آدلاندیریب.
ناتو-نون باش کاتیبی ینس استولتنبرگ امریکا کنگره سینده کی حادثه لری "شوک ائدیجی" آدلاندیریب.
ینس استولتنبرگ امریکا-داکی اعتیراضچیلارین کنگره بیناسینا باسقین تشکیل ائتمه سیندن سونرا یاشانان حادثه لرله باغلی رسمی اینترنت صحیفه سینده بیانات وئریب.
‘"واشینگتن-دا یاشانان حادثه لر شوک ائدیجیدیر. دموکراتیک موحیطده کئچیریلن سئچکی نتیجه لرینه حرمت گؤستریلمه لیدیر"،-دئیه ینس استولتنبرگ وورغولاییب.
آوروپا بیرلیگینین عالی نومایندسی جوزف بورل دا واشینگتن-داکی حادثه لری "امریکا-دا دموکراسیسینه گؤرونمهمیش هوجوم"’ اولاراق آدلاندیریب. جوزف بورل همچنین سئچکی نتیجه لرینه حرمت گؤستریلمهسی ایله علاقه دار چاغیریش ائدیب.
اینگیلتره باش ناظیری بوریس جانسون ایسه واشینگتن-داکی پروسه لر ایله علاقه دار دئییب: "امریکا-داکی اقتدارین دوزنلی و باریشچیل شکیلده تحویل وئریلمهسی حیاتی اهمیت کسب ائدیر".
آلمانیا خاریجی ایشلر ناظیری هایکو ماس دا واشینگتن-داکی اولایلارا موناسیبت بیلدیررک دئییب: "دونالد ترامپ و دستکچیلری امریکا خالقینین قرارینا حرمت گؤسترمه لیدیر".
قئید ائدک کی، امریکانین پایتاختی واشینگتن-دا پرزیدنت دونالد ترامپ طرفدارلارینین کنگره بیناسینا تشکیل ائتدیگی باسقیندان سونرا یاشانان اولایلاردا چوخ سایدا پولیس و بیر اعتیراضچی یارالانیب. شهرده یئرلی واختلا ساعات 18.00-دان اعتبارا کوچه یه چیخما یاساغی اعلان ائدیلیب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی