دونیادا کوروناویروسلا باغلی سون معلومات لار

دونیادا یئنی نوع کوروناویروس‌دان اؤلنلرین سایی 1 میلیون 734 مینی کئچیب. انفکسیونا یولوخان‌لارین سایی 78 میلیون 902 مین، ویروس‌دان معالیجه اولونا‌راق ساغالان‌لارین سایی دا 55 میلیون 456 میندن یوخاری‌دیر.

ایتالیادا اپیدمی سببیله سون 24 ساعاتدا حیاتینی ایتیرن اینسان‌لارین سایی 553 نفر اولوب. بونونلا دا اؤلکه‌ده ویروس قایناق‌لی اؤلوم سایی 70 مین 395-ا یوکسلیب. ویروسا یولوخان‌لارین سایی 14 مین 522 نفر آرتا‌راق 1 میلیون 991 مین 278 نفره چاتیب. بو آرادا، ایتالیادا "کووید-19" اپیدمی سیندن یاخین‌لارینی ایتیرن بعضی عائله‌لر تضمینات اوچون حکومتی محکمه‌یه وئرمه‌یه حاضیرلاشیرلار. "Corriere della Sera" قزئتیندکی خبره گؤره، 500 عائله ساغلیق ناظیرلیگی باشدا اولماقلا حکومتین اپیدمییه لاقئید یاناشدیغی سببی ایله عمومی‌لیکده 100 میلیون یورو تضمینات اوچون حرکته کئچیب.

اینگیلتره‌-ده ویروس سببیله سون 24 ساعات عرضینده داها 744 نفر اؤلوب. بئله لیکله، اؤلکه‌ده ویروس‌دان اینسان ایتکیسی 69 مین 51-ا یوکسلیب. 39 مین 207 یئنی یولوخما فاکتی ایله ویروسا یولوخان‌لارین سایی 2 میلیون 149 مین 551 اولوب. بو آرادا، گونئی افریقادان گلن 2 نفرده یئنی نوع کوروناویروسون داها سرعت‌لی یاییلان تیپی‌نین آشکار ائدیلدیگی بیلدیریلیب. ساغلیق ناظیری مت هنکاک مطبوعات کونفرانسیندا "بو یئنی نوع جدی ناراحات‌لیق دوغورور و اینگیلتره-‌ده آشکارلانان یئنی نؤع دان داها چوخ موتاسیونا معروض قالمیش گؤرونور" دئییب.

"501.V2" آدلانان و گونئی افریقادا گؤرولن بو نوع گونئی افریقاداکی یئنی یولوخما فاکت‌لاری‌نین 80-90 فایزینی تشکیل ائدیر.

ایسراییل-ده اپیدمی قایناق‌لی 3 مین 141 اؤلوم و 384 مین 728 یولوخما فاکتی قئیده آلینیب. اؤلکه‌ده 3-و اینگیلتره-‌دن قایی‌دان اولماقلا 4 نفرده "کووید-19"ون موتاسیون ائتمیش یئنی نؤعونون آشکارلاندیغی بیلدیریلیب.