دونیانین کوروناویروس ایله مبارزه‌سی داوام ائدیر
دونیادا یئنی نؤوع کوروناویروس‌دان اؤلنلرین ساییسی ۱ میلیون ۶۸۳ مینی گئچدی
دونیادا یئنی نؤوع کوروناویروس‌دان اؤلنلرین ساییسی ۱ میلیون ۶۸۳ مینی گئچدی. ویروسا یولوخانلارین ساییسی ۷۶ میلیون ۱۳ میندن، ویروس‌دان معالیجه اولوناراق ساغالانلارین ساییسی دا ۵۳ میلیون ۲۸۲ میندن یوخاری‌دیر.
هیندیستان‌دا "کووید-۱۹"دان جان ایتکی‌سی ۱۴۵ مین ۱۷۱ اولدو. اؤلکه‌ده یولوخما ساییسی ۱۰ میلیون ۴ مین ۸۲۵ اولاراق ثبت ائدیلدی.
آفریقا قاره‌سین‌ده یاییلمیش اپیدمی سببیله جان ایتکی‌سی ۵۸ مین ۴۰۷یه، ویروسا یولوخان اینسانلارین ساییسی ایسه ۱۹ مین ۳۳۵ آرتاراق ۲ میلیون ۴۸۳ مین ۵۲۰یه یوکسلدی. "کووید-۱۹"دان قاره‌ده‌کی ان چوخ ایتکی ۲۴ مین ۲۸۵ ایله جنوبی آفریقادا ثبت ائدیلدی. مصرده ۷ مین ۴۱ نفر، مراکش‌ده ۶ مین ۸۵۴ نفر اؤلدو.
مالی‌ده ۱۰ گونلوک فؤوق العاده وضعیت (اوحال) اعلان ائدیلدی. اؤلکه‌ده ویروس‌دان ۲۱۵ اؤلوم و ۶ مین ۱۲۰ یولوخما ثبت ائدیلدی. اؤلکه‌ده مکتبلر و رستورانلار دا باغلاندی.
ایتالیادا یئنی نؤوع کوروناویروسا یولوخما حاللارینین ساییسی سون بیر گون‌ده ۱۷ مین ۹۹۲ نفر آرتدی.
اؤتن گون عرضین‌ده تایید ائدیلمیش رقملره اساساً، ایتالیادا ۶۷۴ نفر بو ویروس‌دان اؤلدو، کووید-19دان اؤلنلرین توپلام ساییسی ۶۷ مین ۸۹۴ نفره چاتدی. اؤلکه‌ده حاضردا ۶۲۷ مین ۷۹۸ آکتیو کوروناویروس خسته‌سی وار، اونلاردان ۲ مین ۸۱۹ نفری آغیر وضعیت‌ده‌دیر.
روسیادا سون ۲۴ ساعات عرضین‌ده ۲۸ ۲۰۹ نفر داها یئنی نؤوع کوروناویروسا یولوخدو.
بونونلا دا روسیادا "کووید-۱۹" خسته‌لیگینه یولوخانلارین ساییسی ۲ میلیون ۸۱۹ مین ۴۲۹ نفره چاتدی.
سون ۲۴ ساعات عرضین‌ده ۵۸۵ نفرین کوروناویروس‌دان اؤلدویو بیلدیریلدی. توپلامدا کوروناویروس‌دان اؤلنلرین ساییسی ۵۰ مین ۳۴۷ نفره چاتدی.
روسیا کوروناویروسا یولوخمالارین ساییسینا گؤره دونیادا آمریکا، هیندیستان و برزیل‌دن سونرا دؤردونجو یئرده گلیر.
