امریکا آذربایجان و ائرمنیستانی دانیشیق‌لار آپارماغا چاغیریب
آغ ائوین مطبوعات کاتیبی کایلی مک‌انانی مطبوعات کنفرانسیندا ژورنالیست‌لرین سوال‌لارینی جاوابلاندیریب.
آغ ائوین مطبوعات کاتیبی کایلی مک‌انانی مطبوعات کنفرانسیندا ژورنالیست‌لرین سوال‌لارینی جاوابلاندیریب.
مک انانی داغلیق قاراباغ-داکی سون وضعیتله باغلی سوال قارشی‌سیندا آتت-ین مینسک قروپو لیدرلری روسیا پرزیدنتی ولادیمیر پوتین، امریکا پرزیدنتی دونالد ترامپ و فرانسا پرزیدنتی امانوئل ماکرونون مؤوضوع ایله علاقه‌دار وئردیگی اورتاق بیاناتی خاطیرلادیب.
سؤزوگئدن آچیقلامادا بؤلگه‌دکی شدت‌لی حادثه‌لرین قیناندیغینی دئین مک انانی"آذربایجان و ائرمنیستان لیدرلرینی مینسک قروپو هم صدرلری‌نین حمایه‌سی آلتیندا تولئرانتلیغا اساس‌لانان و اؤن شرط اولما‌دان دانیشیق‌لاری داوام ائتدیرمه‌یه چاغیریریق" دئییب.
مک انانی بیر ژورنالیستین "بؤلگه‌دکی قوه‌لرین بو قارشیدورمایاداخیل ائدیلمه‌سیندن ناراحاتسینیزمی" سوالینا "بو مؤوضوع دا باشقا بیر شرحیم یوخ‌دور" دئیه جاواب وئریب.
دیگر طرف‌دن، امریکا مودافعه ناظیرلیگی‌نین سؤزچوسو، سرهنگ توماس کمپبل "هم آذربایجان، هم ده ائرمنیستانا وئردیگیمیز بوتون یاردیم‌لاری ایکی اؤلکه آراسینداکی قارشیدورما‌لارلا علاقه‌لندیریلمه‌یه‌جک شکیلده دقتله برپا ائتدیک" ایفاده‌سینی ایشله‌دیب. وضعیتین سون درجه دییشکن اولدوغونو و پنتاگونون حادثه‌لری یاخیندان ایزله‌دیگینی ایفاده ائدن کمپبل "شدتی قیناییریق و حیاتینی ایتیرن‌لرین عائله‌لرینه باش ساغلیغی وئریریک" دئییب.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
