ژاپونیا-دا یوز مین‌لرله ساکین گوجلو "هایشن" تایفونو سببیندن تخلیه اولونور

ژاپونیانین گونئی و گونئی-باتی سیندا "هایشن" قاسیرغاسی‌نین یاخینلاشماسی سببیندن یوز مین‌لرله ساکینه تخلیه  اولونماق باره‌ده خبردارلیق اولونوب.

اؤلکه‌نین میللی متورولوژی ایداره‌سی بازار گونو تایفونون قیسا مودتده رکورد حجمده یاغینتی گتیرجگی ایله باغلی معلومات یاییب.

متورولوق‌لار گون عرضینده 600 میلی متر-دک یاغیشین یاغاجاغینی احتیمال ائدیرلر. "کیودو" آژانسی‌نین وئردیگی معلوماتا گؤره، اوکیناوا، کاگوشیما، کوماموتو و ناکازاکی ساکن لرینین 200 میندن چوخ ساکینی‌نین تخلیه اولونماسی تاپشیریلیب. بعضی بؤلگه‌لرده کوله ین سرعتی 50 کیلومتر/ثانیه-یه چاتیر.

سوپرتایفونون یاخینلاشماسی سببیندن بازار گونو اؤلکه‌نین گونئی و گونئی-باتیسی ژاپونیانین قالان حیسه‌سی ایله بیرلشدیرن 550-دن چوخ ایچ اوچوش لغو ائدیلیب. دمیر یولو اوپراتورو “JR West” اؤز نؤوبه‌سینده 7 سپتامبردان اعتباراً اؤلکه‌نین باتی سیندا و گونئی – باتی سیندا سرعتلی قاتارلارین حرکتینی دایاندیرماغا، هابئله پیس هاوا شرایطی سببیندن ژاپونیانین مرکزی و باتی بؤلگه‌لری آراسیندا سفرلرین سایینی آزالتماغا قرار وئریب.

"تویوتا"،"هوندا" و "میتسوبیشی" کیمی بؤیوک شیرکت‌لر گوجلو قاسیرغایا گؤره بؤلگه‌دکی کارخانا و موسسه‌لرینی دایاندیرماغا مجبور اولوب. همچنین بؤیوک مارکت‌لر شبکه‌سی اولان “7-Eleven” تایفون زامانی گونئی و گونئی- باتی بولگه لرینده 1650 ماغازانین موقتی باغلاندیغینی اعلان ائدیب.

حاضیردا "هایشن" قاسیرغاسی ساکیت اقیانوس بویونجا ژاپونیانین ان گونئی بؤلگه‌سی اوکیناوا ایستیقامتینده 20 کیلومتر/ساعات سرعتی ایله حرکت ائدیر. قاسیرغانین مرکزینده کوله‌ ین سرعتی 70 کیلومتر/ثانیه-یه چاتیر. قاسیرغانین بازار گونو گئجه ژاپونیانین گونئی بؤلگه‌سینه چاتاجاغی گؤزلنیلیر.

اؤلکه‌نین باش ناظیری شینزو آبه جمعه گونو حکومتین عاجیل توپلانتی‌سینی کئچیریب و اها‌لی‌نین محافظه‌سی اوچون لازیمی تدبیرلرین گؤرولمه‌سینه دایر تاپشیریق‌لارینی وئریب. گونئی-باتی پرئفئکتورا‌لارین رسمی‌لری رکورد درجه‌ده یاغان یاغیش‌لارین داشقین‌لارا یول آچماماسی اوچون بؤلگه‌ده یئرلشن 20 سدده سویو بوشالدیب‌لار.