دونیا-دا کروناویروس قوربان‌لاری‌نین سایی آرتماقدا داوام ائدیر

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 503 مینی، ویروسا یولوخان‌لارین سایی 10 میلیون 195 مینی،اپیدمی‌دن ساغالان‌لارین سایی ایسه 5 میلیون 519 مینی کئچیب.

128 مین اینسان ایتکی‌سیله اپیدمی نین مرکزی اولان امریکا-دا ساغلیق ناظیری آلکس آزار سون گون‌لرده یئنی نوع کروناویروسا یولوخما حال‌لاری‌نین آرتدیغینی سؤیله‌ییب. یولوخما‌لارین سایی‌نین خصوصیله گونئی و باتی ایالت لرده سرعتله آرتدیغینا دقت چکن آزار، "اؤلکه ایندی بیر نئچه آی اول پاندمی‌نین ذیروه‌سینده اولدوغوندان فرقلی بیر وضعیتده‌دیر. واکسن و معالیجه لر سرعتله ایرلیلییر، آنجاق اپیدمی‌نین یاییلماسینی یاواشلاتدیغیمیز دؤور سونا چاتیر" ایفاده‌سینی ایشله‌دیب. امریکا-دا ویروسا یولوخان‌لارین سایی 2 میلیون 628-دیر.

ایتالیا-دا اپیدمی سببیله سون بیر گونده 22 نفر حیاتینی ایتیریب، بونونلا دا اؤلکه‌ده حیات ایتکیسی 34 مین 738 نفره چیخیب.آکتیو یولوخما‌لارین سایی 155 آزالا‌راق 16618-ا دوشوب. سون 24 ساعات عرضینده 174 یئنی یولوخما قئیده آلینیب.

ایسپانیا-دا ساغلیق ناظیرلیگی سون بیر هفته‌ده "کووید-19" پاندمیسی سببیندن 13 نفرین اؤلدوگونو و اینسان ایتکی‌سی‌نین 28 مین 343-ا یوکسلدیگینی آچیقلاییب. ناظیرلیک همچنین سون 24 ساعاتدا 118 آرتا‌راق 248 مین 770-ا چیخدیغینی بیلدیریب. مادرید مختار حکومتی‌نین باشچی‌سی ایزابل دیاز آیوسو اپیدمی نین ان چوخ یاییلدیغی پایتاخت مادرید-ده آیلاردان سونرا ایلک دفعه سون 24 ساعاتدا "کووید-19" قایناقلی اؤلومون اولمادیغینی آچیقلاییب.

پورتوقال-دا "جووید-19"دان سون 24 ساعات عرضینده 3 نفر اؤلوب، بونونلا دا اؤلن‌لرین سایی 1564-ا یوکسلیب. 457 یئنی یولوخمانین آشکارلاندیغی اؤلکه‌ده ویروسا توتولان‌لارین سایی 41 مین 646-یا چیخیب.