دونیا-دا کروناویروسا یولوخان‌لارین سایی 8 میلیونا چاتیر

دونیا-دا یئنی نوع کروناویروسا یولوخان‌لارین سایی 8 میلیون نفره چاتیر.

بو باره‌ده دونیا ساغلیق تشکیلاتی‌نین گونده‌لیک راپوروندا دئییلیر.

ژوئن آیی نین 16-سی اوچون اولان معلوماتا اساساً، اؤتن گون عرضینده 118 مین 502 نفر یئنی کروناویروسا یولوخوب، 3 مین 255 نفر ایسه دونیاسینی دییشیب. یولوخان‌لارین عمومی سایی 7 میلیون 941 مین 791، اؤلن‌لرین ایسه 434 مین 796 نفره چاتیب.

ان چوخ یولوخما و اؤلوم حال‌لاری گونئی و قوزیی امریکا-دا قئیده آلینیب – 3 میلیون 841 مین 609 یولوخما و 203 مین 574 اؤلوم حالی.

ایکینجی یئرده آوروپا قرارلاشیب. بورادا یولوخان‌لارین سایی 2 میلیون 434 مین 184، اؤلن‌لرین سایی ایسه 188 مین 779 نفره چاتیب.

اوچونجو یئری باتی ساکیت اقیانوس بولگه سی توتور، بورادا عمومی‌لیکده 796 مین 759 یولوخما و 17 مین 558 اؤلوم حالی قئیده آلینیب.

قئید ائدک کی، دونیا ساغلیق تشکیلاتی‌نین راپورو یالنیز رسمی گؤستریجی‌لر اساسیندا حاضرلانیر.