دوغو اؤلکه لرینده کوروناویروسلا باغلی سون وضعیت
یئنی نوع کروناویروس اپیدمیسی سببیندن ایندییهدک حیاتینی ایتیرنلرین سایی 446 مین 667-نی، ویروسا یولوخانلارین 8 میلیون 287 مینی و اپیدمیدن ساغالانلارین سایی دا 4 میلیون 341 مینی کئچیب.
یئنی نوع کروناویروس اپیدمیسی سببیندن ایندییهدک حیاتینی ایتیرنلرین سایی 446 مین 667-نی، ویروسا یولوخانلارین 8 میلیون 287 مینی و اپیدمیدن ساغالانلارین سایی دا 4 میلیون 341 مینی کئچیب.
چین-ده سون 24 ساعاتدا قئیده آلینان 44 یئنی یولوخمانین 31-ی پایتاخت پکن-ده قئیده آلینیب. بئلهلیکله، پکن-ده 12 ژوئن دن بری آشکارلانان یولوخمالارین سایی 137-یه یوکسلیب. پکن-ده توپدان ساتیش ارزاق بازاری شینفادی قایناقلی یولوخمالارین آرتماسی سببیندن شهردکی آلارم سویهسی یوکسلدیلهرک بوتون مکتبلرده تدریسه فاصیله وئریلیب. پایتاختداکی هاوا لیمانلاریندا ایالتلر آراسیندا اوچوش لار دایاندیریلیب، 255 اوچوش تاخیره سالینیب. چین-ین اساس حیسهسینده 4 مین 634 نفرین حیاتینی ایتیردیگی "کووید-19" اینفکسیونو 83 مین 221 نفرده آشکارلانمیشدی.
گونئی کره-ده بیر گونده اورتایا چیخان 43 یئنی حادثه ایله یولوخانلارین سایی 12 مین 198-ا یوکسلیب.
ایران-دا ساغلیق ناظیرلیگینین سؤزچوسو سیما سادات لاری اؤلکه داخیلینده کروناویروس سببیله سون 24 ساعات عرضینده 120 اینسانین حیاتینی ایتیردیگینی و 2612 یئنی یولوخمانین اولدوغونو آچیقلاییب. لاری بونونلا عمومی اینسان ایتکیسینین 9 مین 185-ا، یولوخمالارین سایینین 195 مین 51-ا یوکسلدیگینی بیلدیریب. ساغلیق ناظیرینین معاوینی علی اکبر حق دوست "کووید-19" اینفکسیونونون چوخ اولدوغو یئرلرده محدودیتلرین برپاسینی طلب ائتدیکلرینی وورغولاییب.
میصر-ده کروناویروس قوربانلارینین سایی گون عرضینده 94 آرتاراق 766-یا چاتیب.اؤلکه ده ویروسا یولوخانلارین سایی 47 مین 856-یا چاتیب.
دیگر بعضی اؤلکهلرده "کووید-19" اینفکسیونوندان بو گونه قدر قئیده آلینان اینسان ایتکیسی سایی بئلهدیر:
روسیا 7 مین 284، پاکیستان 2 مین 975، اندونزی 2 مین 231، گونئی افریقا مین 625، سعودی عربیستانی مین 52، ژاپونیا 927".
هیندوستان-دا سون 24 ساعاتدا قئیده آلینان 2 مین 3 آدامین اؤلومو ایله کروناویروسدان هلاک اولانلارین سایی 11 مین 921 اولوب. اؤلکهده سون بیر گونده "کووید-19" سببیله باش وئرن ایتکیلرین آنیدن آرتماسینا ماهاراشترا ایالتینده داها اول بیلدیریلمهین اؤلوملرین علاوه ائدیلمهسینین سبب اولدوغو بیلدیریلیب. یولوخما سایی دا 10 مین 974 آرتاراق 354 مین 65-ا چیخیب.
سون گونلرده یولوخما حاللارینین سرعتله آرتدیغی بنگلادش-ده بیر گونده 43 اینسان ایتکیسیله اؤلنلرین سایی 1305، یولوخما سایی 4 مین 8 آرتاراق 98 مین 489 اولوب.
ایسراییل-ده بیر گونده 299 یئنی یولوخمانین آشکارلانماسی ایله اؤلکهده 22 آوریل دن بریدیر گوندهلیک یولوخما حاللاریندا ان یوکسک رقمه چیخیلیب. عمومی یولوخما سایی 19 مین 637 اولوب. یولوخما سایینداکی آرتیم پاندمی نین ایکینجی دالغاسینین باشلادیغینا دایر ناراحاتلیغینا سبب اولوب.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.