ایتالیا-دا کروناویروسا یولوخان‌لارین سایی 220 مینی کئچیب

ایتالیا-دا سون گون عرضینده داها 1402 نفر کروناویروس اینفکسیونونا یولوخوب، بونونلا دا ویروسا یولوخان‌لارین سایی 220 مینی کئچیب.

بو باره‌ده اؤلکه‌نین سیویل مودافعه دپارتامنتی آچیقلاما یاییب.

معلوماتا گؤره، بو گوندک اؤلکه‌ده 221 مین 216 نفر اینفکسیونا یولوخوب.

سون بیر گونده ویروس‌دان اؤلن‌لرین سایی دا 172 نفر آرتا‌راق عمومی‌لیکده 30 مین 911 نفره چاتیب. اپیدمی‌نین باشلانغیجیندان بری 109 مین 39 خسته ساغالیب.