دوغو اؤلکه لرینده کروناویروسلا باغلی سون وضعیت

یئنی نوع کروناویروس اپیدمیاسی سرعتله یاییلماغا داوام ائدیر. اپیدمیا سببیندن ایندیدک هلاک اولان‌لارین سایی 132 مینی، یولوخان‌لارین سایی ایسه 2 میلیونو کئچیب. معلوماتدا بیلدیریلیب کی، معالیجه اولونان خسته لرین سایی 508 مینه چاتیب.

قیبریس یونان ایجماسیندا کروناویروس‌دان حیاتینی ایتیرنلرین سایی 12-ا، اینفکسیونا یولوخان‌لارین سایی ایسه 715-ا چاتیب.

روسیا حکیم لر بیرلیگی سندیکاسی اؤلکه ده چوخ سایدا ساغلیق ایشچی‌سی‌نین یئنی نوع کروناویروسا یولوخدوغونو ایره‌لی سوروب. سندیکانین صدری آناستاسیا واسیلیئوا دئییب: " باش حکیم لر ساغلیق ایشچیلری‌نین خسته اولدوغونو گیزله‌دیر.اینفکسیونا یولوخان‌لار اوزرینده معاینه آپاریلمیر و اونلاری ایشلمیه مجبور ائدیرلر".

بلاروس-دا کروناویروس‌دان وفات ائدنلرین سایی 3 آرتا‌راق 36-ا، اینفکسیونا یولوخان‌لارین سایی ایسه 3 مین 728-ا یوکسلیب.

مولدوی-ده کروناویروس‌دان حیاتینی ایتیرنلرین سایی 44-ا، یولوخان‌لارین سایی ایسه 2 مین 49 نفره چاتیب.

قازاخیستان-دا اپیدمیا‌دان اؤلنلرین سایی 16 نفره یوکسلیب، ویروسا یولوخان‌لارین سایی ایسه 240 اولوب.

کروناویروس اپیدمیاسی سببیندن 79 نفرین حیاتینی ایتیردیگی و 1415 نفرین ده ویروسا یولوخدوغو عراق-دا کوچه یه چیخما قاداغاسی نین موددتی آوریلین 24-دک اوزادیلیب.

لیبیا میللی هم رای‌لیک حکومتی کروناویروسلا باغلی تدبیرلر چرچیوسینده جمعه گونوندن اعتبارا 10 گون عرضینده کوچه یه چیخما قاداغاسی اعلان ائدیب.ویروس نتیجه سینده 35 نفرین وفات ائتدیگی اؤلکه ده وطنداش‌لارین ماسک دان ایستیفاده ائتمک شرطی ایله یئرلی واختلا ساعات 08.00 ایله 14.00 ساعت‌لاری آراسیندا باییرا چیخما‌لارینا ایجازه وئریله جک.

الجزایر ساغلیق ناظیرلیگی کروناویروس‌دان حیاتینی ایتیرنلرین سایی‌نین 10 نفر آرتا‌راق 336-ا، اینفکسیونا یولوخان‌لارین سایی‌نین ایسه 2 مین 160-ا یوکسلدیگینی آچقیلاییب.

بئش نفرین حیاتینی ایتیردیگی و 32 نفرین ده اپیدمیایا یولوخدوغو سودان-دا مسجیدلرده جماعتا نماز قیلماق قاداغان اولونوب.

11 نفرین اپیدمیا سببیندن وفات ائتدیگی نیجریه-ده ‘‘کووید-19’’لا باغلی تطبیق ائدیلن کوچه یه چیخما قاداغاسینا رعایت ائتمه ین 18 سیویل وطنداش اؤلدورولوب.اؤلکه ده بو سببدن چوخ سایدا آدامین ایشگنجیه معروض قالدیغی و یارالاندیغی بیلدیریلیب.

مالی-ده اپیدمیا قوربان‌لاری‌نین سایی 13-ا، یولوخان‌لارین سایی ایسه 138 نفره چاتیب.