دوغو اؤلکه لرینده کروناویروس ایله باغلی سون وضعیت

یئنی نوع کروناویروس اپیدمیاسی سرعتله یاییلماغا داوام ائدیر. اپیدمیا سببیندن ایندیدک هلاک اولان‌لارین سایی 80 مینی، یولوخان‌لارین سایی ایسه 1 میلیون 400 مینی کئچیب. معلوماتدا بیلدیریلیب کی، معالیجه اولونان خسته لرین سایی 300 مینی کئچیب.

چین-ین ووهان ایالتینده 76 گون‌دور تطبیق اولونان قرنطینه رژیمی لغو اولونوب. رسمیلر ووهان-دا یاشایان‌لارین ایجازه آلمادام سیاحت ائده بیله جکلرینی آچیقلاییب.

ایران-دا کروناویروس قوربان‌لاری‌نین سایی 4 مین 3 نفره چاتیب.

روسیا-دا گون عرضینده میندن چوخ آدامین یئنی نوع کروناویروسا یولوخدوغو بیلدیریلیب.

ژاپونیانین باش ناظیری شینزو آبه خالقین حکومتین کروناویروسلا باغلی گؤردوگو تدبیرلره رعایت ائدجگی تقدیرده فوق العاده وضعیت رژیمی‌نین بیر آی عرضینده لغو ائدیله بیله جگینی دئییب.

ایسرایل-ده یئنی نوع کروناویروس اپیدمیاسی سببیندن وفات ائدنلرین سایی 71 نفره، اینفکسیونا یولوخان‌لارین سایی ایسه 9 مین 404-ا یوکسلیب. اؤلکه ده شهرلرآراسی سیاحت آوریلین 10-دک قاداغان اولونوب.

گونئی کره-ده یئنی نوع کروناویروس اپیدمیاسی سببیندن وفات ائدنلرین سایی 200-ا، اینفکسیونا یولوخان‌لارین عمومی سایی ایسه 10 مین 384 نفره چاتیب.

سعودیه عربیستانیندا اپیدمیایا یولوخان‌لارین سایی 2 مین 700 نفری کئچیب، اینفکسیون سببیندن هلاک اولان‌لارین سایی ایسه 41-ا یوکسلیب.

تونیس-ده یئنی نوع کروناویروس اپیدمیاسیندان بو گوندک 22 نفر هلاک اولوب. اؤلکه ده اینفکسیونا یولوخان‌لارین عمومی سایی 596 نفره یوکسلیب. بو آرادا اؤلکه نین ایچ ایشلر ناظیری کروناویروسلا باغلی گؤرولن تدبیرلر چرچیوسینده تطبیق اولونان قرنطینه رژیمینی پوزان‌لارین محاکمه اولونا بیله جکلرینی سؤیلییب.

سنگال-دا یئنی نوع کروناویروس‌دان 2-جی اؤلوم قئیده آلینیب.اؤلکه ده ویروسا یولوخان‌لارین سایی 237 نفره چاتیب. ویروسا یولوخان 105 خسته نین ده ساغالدیغی بیلدیریلیب.

توگو-دا یئنی نوع کروناویروسا یولوخان 3 نفر حیاتینی ایتیریب. اؤلکه ده ویروسا یولوخان‌لارین سایی 65-دیر.

فیل دیشی ساحلینده اپیدمیایا یولوخان 3 نفر حیاتینی ایتیریب. اؤلکه نین مودافعه ناظیری کروناویروسلا باغلی ائتدیگی تست ین نتیجه سی‌نین مثبت چیخدیغینی آچیقلامیشدی. فیل دیشی ساحل لرینده اپیدمیایا یولوخان‌لارین عمومی سایی 323 نفره یوکسلیب.