آنتونیو گوترش سوریه بحرانی ایله علاقهدار آچیقلاما وئریب
بمت-نین باش کاتیبی آنتونیو گوترش سوریه بحرانی ایله علاقهدار آچیقلاما وئریب.
"سوریه-ده کی محاربهنین 10-جو ایلینین عینی قتل عاملا، اینسان حاقلاری و اولوسلار آراسی اینسانی حقوقون عینی شکیلده گؤزدن یاییندیریلماسی و همین غیری-اینسانی شکیلده نتیجه لنمهسینه ایجازه وئره بیلمریک".
بونو بمت-نین باش کاتیبی آنتونیو گوترش سوریه بحرانی ایله علاقهدار وئردیگی آچیقلامادا دئییب.
او بیلدیریب کی، سوریه-ده 9 ایل مودتینده محاربه جینایتلری داخیل دهشتلی بیر وحشیلیگه و حددن آرتیق سیستملی اینسان حاقلاری پوزونتولارینا شاهید اولوندو. سوریه-ده محاربهنین 10-جو ایلینه داخیل اولوندو، اما باریش هله ده چوخ اوزاقدیر.
سوریه اهالیسینین یاریسیندان چوخونون ائولرینی ترک ائتمک مجبوریتینده قالدیغینا و میلیونلارلا اینسانین هله ده امین-آمانلیق ایچینده اولمادیغینا ایشاره ائدن گوترش 11 میلیون سوریه-لینین ایسه حیاتی اهمیت داشییان اینسانی یاردیما احتیاجینین اولدوغونا دقت چکیب.
باش کاتیب “مینلرله اینسان ایتکیندیر، نظارت آلتیندا اولانلارا پیس رفتار ائدیلیر و ایشگنجه وئریلیر. اؤلن و یارالیلارین سایی غیری-معیندیر. بو دهشتلی جینایتلر جزاسیز قالمامالیدیر" دئییب.