ژاپون، عسگرلری‌نین گونئی کوره‌لی قادین‌لارا جینسی ایستیثمار ائتدیکلرینی قبول ائتدی
گونئی کوره‌ده، ژاپون عسکرلرجه ایستیثمار ائدیلن قادین‌لارین آچدیغی تضمینات دعواسی‌نین ایلک ایجلاسی، کئچن آی ائدیلمیشدی
ژاپون، عسگرلری‌نین ایکینجی دونیا ساواشیندا گونئی کوره قادین‌لارا جینسی ایستیثمار ائتدیکلرینی قبول ائتدی.
گونئی کوره خبر آژانسی یونهاپ‌ین خبرینه گؤره، ژاپون ناظیرلر کابینه‌سی‌نین کاتیبی، آوریل 2017 و مارس 2019 آراسیندا ائدیلن آراشدیرمادا، گونئی کوره قادین‌لارین ایستیثمارا معروض قالدیغینی گؤسترن، ساواش دؤورونه عایید 23 سنده چاتدی.
خبرده، 1993-جو ایلده، ناظیرلر کابینه‌سی‌نین کاتیبی یوهی کونو-نون، عسگرلرین سؤز موضوعسو حادثه‌لره قاریشدیغینی دوغرولادیغی و ضرر گؤرنلردن عذر ایستدیگی ده ایفاده ائدیلدی.
گونئی کوره‌ده، ژاپون عسکرلرجه ایستیثمار ائدیلن قادین‌لارین آچدیغی تضمینات دعواسی‌نین ایلک ایجلاسی، کئچن آی ائدیلمیشدی.
قادین‌لار، ژاپون‌دان آدام باشی تخمینن 985 مین لیره تضمینات طلب ائدیلیر.
بؤیوک اکثریتی کوره، فیلیپین، تایوان و دیگر آسیا اؤلکه‌لرین‌دن تخمینن 200 مین قادین، 1910-1945-جی ایللرده کوره یاریماداسینی ایشغال ائدن ژاپون عسگرلرین تجاووزه و جینسی ایستیثمارا معروض قالمیشدی.
گونئی کوره و ژاپون، ایستیثمار قوربانی قادین‌لارا تضمینات اؤدنمه‌سی اوچون 2015-جی ایلده آنلاشما ایمضالامیشدی.
آنلاشما چرچیوه‌سینده سئول و توکیو، ایستیثمار قوربانی کوره قادین‌لار موضوعسونون "سون و دگیش‌دیریله‌بیلمز شکیلده" قرارا باغلانماسینی نظرده توتموشدو.
آنلاشما چرچیوه‌سینده ژاپون، حیاتدا قالان قادین‌لارا تضمینات اؤدنمه‌سی اوچون فون قورموش، قارشیلیغیندا گونئی کوره‌نین آرتیق بو موضوعدا گوناهلاندیریجی ایفاده و رفتارلاردان قاچینماسینی طلب ائتمیشدی.
