موزه دن کمونیزم دؤورونه عایید اشیالار اوغورلانیب
آلمانیانین پایتاختی برلین-ده اولان ایستاسی موزه سینده کی کمونیزم دؤورونه عایید مدال و جواهیرات اوغورلانیب.
آلمانیانین پایتاختی برلین-ده اولان ایستاسی موزه سینده کی کمونیزم دؤورونه عایید مدال و جواهیرات اوغورلانیب.
یئرلی مئدیانین خبرلرینه گؤره، دوغو آلمانیا دؤولت تهلوکهسیزلیک ناظیرلیگی بیلدیریب کی، ایستاسینین کؤهنه مرکزینده اولان موزه بیرینجی مرتبهدکی نردیواندان ایچری گیرن اوغرولار طرفیندن سویولوب.
موزه نین مودیری یورگ دریسلمن سؤزوگئدن موضوع ایله باغلی دئییب:
"اوغورلانان جواهیراتین آراسیندا اوزوک و ساعتلار وار. بوندان باشقا، بیر زامان دوغو آلمانیادا کمونیستلره وئریلن، ان یوکسک موکافاتلاردان اولان "کارل مارکس" و "لنین" نیشانلاری دا اوغورلانان اشیالار آراسیندادیر. عمومی لیکده بونلارین مادی دیری جمعی بیر نئچه مین یورودو، یعنی بؤیوک خزینه دئییل، اما بورا بیر تاریخ موزئییدیر".
خاطیرلاداق کی، بیر نئچه گون اول آوروپانین ان کؤکلو موزه لریندن اولان Grünes Gewölbe ده تاریخی بیر سویغونلا گوندمه گلمیشدی. ایکی اوغرو آلمانیانین بو موزه دن 3 آلماز جواهیرات دستینی اوغورلایاراق قاچیبلار و هله تاپیلماییبلار. جواهیراتلارین بیر میلیارد یورودان آرتیق دیره مالیک اولدوغو آچیقلانمیشدی.