مصطفی شئنتوپ ایکینجی عبدالحمیدخان مسجیدی‌نین آچیلیش مراسیمینده ایشتیراک ائدیب

جیبوتی-ده سفرده اولان تورکیه بؤیوک میللت مجلیسی‌نین صدری مصطفی شئنتوپ تورکیه-نین دینی ایشلر ایدارسی طرفیندن اینشا ائتدیریلن و تملی دؤرد ایل اوول قویولان ایکینجی عبدالحمیدخان مسجیدی‌نین آچیلیش مراسیمینده ایشتیراک ائدیب.

آچیلیش مراسیمینده چیخیش ائدن مصطفی شئنتوپ عثمانلی معمارلیق اوسلوبو ایله اینشا ائدیلن ایکینجی عبدالحمیدخان مسجیدی‌نین جیبوتی خالقی اوچون خیرلی اولماسینی آرزولاییب.

مصطفی شئنتوپ تورکیه ایله جیبوتی‌نین دوست و قارداش اؤلکه لر اولدوغونو وورغولاییب. تورکیه بویوک میللت مجلیسی‌نین صدری قئید ائدیب کی، ایکینجی عبدالحمیدخان مسجیدینده آلتی مینه ده ک آدام عینی آندا عبادت ائده بیله‌جک.

قئید ائدک کی، ایکینجی عبدالحمیدخان مسجیدی‌ اؤلکه‌نین اهمیت‌لی لیمان شهری اولان جیبوتی‌نین سالینس سمتینده اینشا ائدیلیب.