استولتنبرگ:"تورکیه ناتو اوچون بؤیوک اهمیت داشیییر"
بونو ناتو-نون باش کاتیبی ینس استولتنبرگ فرانسادا درج اولونان "له فیگارو" قزئتینه موصاحیبهسینده دئییب.
تورکیه ناتو اوچون بؤیوک اهمیت داشیییر.
بونو ناتو-نون باش کاتیبی ینس استولتنبرگ فرانسادا درج اولونان "له فیگارو" قزئتینه موصاحیبهسینده دئییب.
فرانسا پرزیدنتی امانوئل ماکرونون "ناتو-نون بئیین اؤلومو رئاللاشدی" طرزیندکی سؤزلرینی قیمتلندیرن استولتنبرگ "ناتو تهلوکهسیزلیک موضوع لاریندا حیاتی اهمیته مالیکدیر. هر گون بیر میلیاردا یاخین اینسانی قورویاراق و مدافعه ائده ره ک ان بؤیوک تحفه سینی اون ایللرله داوام ائتدیرهرک بونو ثبوتا یئتیریب" ایفادهلرینی ایشلدیب.
"باریش چشمهسی" حرکاتینا دا توخونان استولتنبرگ "تورکییه متفیقلرینین بازالاریندان ایستیفاده ائتمهسینه ایجازه وئرهرک، ترور تشکیلاتی داعش ایله موباریزهده ایشتیراک ائتدی. تورکیه ناتو داخیلینده سوریه و عراق ایله سرحدی اولان تک اؤلکهدیر. 3،6 میلیون قاچقینا ائو صاحبلیگی ائدیر. تورکیه ناتو اوچون بؤیوک اهمیت داشیییر. بونو باشا دوشمک اوچون خریطه یه نظر سالماق و تورکیه-نین ژئواستراتژیک وضعیتینی تدقیق ائتمک کیفایتدیر" دئییب.
استولتنبرگ ناتو و آوروپا بیرلیگینین بیر-بیرلرینه رقیب اولمادیغینی، ایکیسی آراسیندا بیر سئچیم ائتمک مجبوریتینده قالینماماسینین واجیبلیگینی ده وورغولاییب.
ناتو-نون باش کاتیبی استولتنبرگ نروژ، ایسلاندیا، تورکیه، امریکا، کانادا و اینگیلترهنین آوروپانین تهلوکسیزلیگینده جدی رول اوینادیغینا دا ایشاره ائدیب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.