روسیا، کرچ بوغازیندا ال قویدوغو گمیلری اوکراینا تسلیم ائتدی
روسیا، قارا دنیزده کرچ بوغازی یاخین‌لاریندا ال قویدوغو ساواش گمیلرینی بو گون اوکراینا تسلیم ائتدی
روسیا، قارا دنیزده کرچ بوغازی یاخین‌لاریندا ال قویدوغو ساواش گمیلرینی بو گون اوکراینا تسلیم ائتدی.
روسیانین کرچ بوغازیندا اوکتوبر 2018ده ال قویدوغو 3 اوکراین ساواش گمی‌سی‌نین تسلیماتی، قارادنیزین طرف‌سیز سولار اولاراق قبول ائدیلن بؤلگه‌سینده گرچکلشدیریلدی. اوکراینا عاید "نیکوپول"، 'یانی کاپو" و "بردیانسک" آدلی ساواش گمیلری، اوکراینین اودسا شهرینه حرکت ائتدی.
روسیا دیش ایشلری باخانلیغین‌دان ائدیلن یازی‌لی آچیقلامادا، ایلگی‌لی سوروشدورمانین تاماملانماسی اوزرینه گمیلرین اوکراینا تئلیم ائدیلدیغی بیلدیریلدی.
اوکراین دیش ایشلری باخان یاردیمجی‌سی النا زرکال ایسه فیسبوکدان ائتدیغی آچیقلامادا، لاهه تحکیم محکمه‌سینده پروسه‌نین داوام ائده‌جگینی بلیرترک، "آماجیمیز، کورال‌لارین ایهلالینی اورتایا چیخارماق و گرک‌لی تضمیناتی آلماقدیر." ایفاده‌سینی قوللاندی.
روس ساواش گمیلری، کئچن ایل نوامبر آیی‌نین سونوندا قارا دنیزده کرچ بوغازی یاخینلیغیندا، قارا سولارینی پوزما ادعاسییلا اوکراین دنیز گوج‌لرینه عایید 3 گمی‌یه ال قویموش و پرسونلی نظارته آلمیشدی.
اولوسلار آراسی دنیز حقوقو محکمه‌سی، می آییندا، روسیانین ال قویدوغو 3 اوکراین ساواش گمیسی ایله 24 اکیبی سربست بوراخیلماسی ایستیقامتینده قرار آلمیشدی.
روسیا ایله اوکراین آراسیندا کرچ بوغازی بحرانی سونراسیندا حبس اولونان 24 اوکراین‌لی دنیزچی‌نین ده آرا‌لاریندا اولدوغو اسیر و زیندانی موبادیله‌سی سپتامبردا ائدیلمیشدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
