پمپئو:"داعش عضوو وطنداشلارینیزی گئری آلین"
امریکانین خاریجی ایشلر ناظیری مایک پمپئو آوروپا اؤلکهلرینی اله کئچیریلن داعش عضوو وطنداشلارینی تحویل آلماغا چاغیردی.
امریکانین خاریجی ایشلر ناظیری مایک پمپئو آوروپا اؤلکهلرینی اله کئچیریلن داعش عضوو وطنداشلارینی تحویل آلماغا چاغیردی.
امریکا رهبرلیگینده داعش علیهینه کوالیسیونون ناظیرلر سویهسینده کئچیریلن ییغینجاغی واشینگتن-دا اؤز ایشینه باشلاییب.
پمپئو ییغینجاغین آچیلیش حیسهسینده ائتدیگی چیخیشدا دئییب:
"کوالیسیون عضولری ساخلانیلان مینلرله داعش عضوو خاریجی ترورچونو تحویل آلمالی و ایشلهدیکلری وحشتلردن مسئول توتولمالیدیر. کوالیسیون عضولری داعش ایله موباریزه زامانی ضرر گؤرن عراق و سوریه-نین اساس قورولوشونون برپاسی اوچون مسئولیت گؤتورمهلیدیرلر. میلیونلارلا قاچقینین اؤلکهلرینه قاییدا بیلمهسی اوچون بو پروسه بؤیوک اهمیت داشیییر".
پمپئو داعش-ین بویوک اولچوده محو ائدیلدیگینی آنجاق تهدید یاراتماغا داوام ائتدیگینی بیلدیرهرک، تشکیلاتین خصوصیله قوزیی افریقا و صحرا چؤلو اطرافیندا یئنیدن تشکیلاتلانماغا جهد گؤستردیگینی سؤیلهییب.
مطبوعاتا قاپالی داوام ائدن آچیلیش ایجلاسیندا اؤلکهمیزین خاریجی ایشلر ناظیری مولود چاووش اوغلودا تورکیه-نین داعشه قارشی آپاردیغی موباریزنی وورغولاییب.
چاووش اوغلو تورکیه-نین ترورون هر نوع ایله جدی شکیلده موباریزه آپاردیغینی و بو موباریزنی داوام ائتدیرمکده قرارلی اولدوغونو بیلدیریب.
کوالیسیون عضوو اؤلکهلرین خاریجی ایشلر ناظیرلری ایجلاسدان اول بیرگه شکیل ده چکدیریبلر.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.