سؤزده سویقیریم اویلاماسینی بلوکه ائتدی
سناتور باب منندز، سؤزده ارمنی سویقیریمینین رسما تانینماسینی اؤن گؤرن بیر قرار لایحهسینین باش قورولدا اویلانماسینی طلب ائتدی
آمریکا بیرلشمیش دؤولتلرینده، جمهوریتچی سناتور لیندزی گراهام، ۱۹۱۵ ارمنی اولایلارینین سنا طرفیندن سویقیریم اولاراق تانینماسینی اؤن گؤرون بیر قرار لایحهسینین اویلانماسینی بلوکه ائتدی.
آمریکا بیرلشمیش دؤولتلری سناسیندا دموکرات سناتور باب منندز، سؤزده ارمنی سویقیریمینین رسما تانینماسینی اؤن گؤرن بیر قرار لایحهسینین باش قورولدا اویلانماسینی طلب ائتدی.
آنجاق جمهوریتچی سناتور گراهام، قارشی گؤروش بیلدیرهرک سس وئرمهنی بلوکه ائتدی.
گراهام، بورادا وئردیگی آچیقلامادا، اومود ائدیرهم تورکییه و ارمنیستان بیر آرایا گلهبیلر و بو پروبلمی (۱۹۱۵ حادثهلرینی) اله آلیر. سناتورلار تاریخی یئنیدن یازمامالی و اونو اولدوغوندان فرقلی گؤستریلمهمهلیدیر" دئیه دانیشدی.
گراهام آیریجا، قرارینی گئچمیشه باخاراق دئییل، تورک-آمریکا ایلیشکیلرینین گلهجگینه باخاراق آلدیغینی ایفاده ائتدی.
گراهامین سؤز قونوسو قرارینین، آغ ائوده پرزیدنت اردوغان ایله بعضی جمهوریتچی سناتورلارین قاتیلدیغی گؤروشمهدن بیر نئچه ساعات سونرا گوندمه گلمهسی دقت چکدی.
آمریکا بیرلشمیش دؤولتلری سناسیندا ائدیلهجک لایحه اویلامالاریندا هر هانسی بیر سناتور، قارشی گؤروش بیلدیرهرک سسوئرمهنین ائدیلمهسینی بلوک ائدهبیلیر.
آمریکا بیرلشمیش دؤولتلری نمایندهلر مجلیسی، ۲۹ اکتبر گونو ائتدیگی سسوئرمهده، ۱۹۱۵ ارمنی حادثهلرینی سویقیریم اولاراق تانییان بیر قرار لایحهسینی قبول ائتمیشدی.