اردوغان- جانسون ایله تلفوندا گؤروشوب
تورکیه جمهور باشقانی، بؤلوچو ترور تشکیلات‌لاری پ.ک.ک-ی.پ.گ و داعش تهدیدی‌نین تامامیله اورتا‌دان قال‌خانا قدر عملیاتین داوام ائدجگینی بیلدیریب
1286998
تورکیه جمهور باشقانی رجب طیب اردوغان، بؤلوچو ترور تشکیلات‌لاری پ.ک.ک-ی.پ.گ و داعش تهدیدی‌نین تامامیله اورتا‌دان قال‌خانا قدر عملیاتین داوام ائدجگینی بیلدیریب.
پرزیدنت اردوغان اینگیلیستان باش ناظیری بوریس جانسون ایله تلفوندا گؤروشوب.
پرزیدنت اردوغان، بوریس جانسون ایله کئچیردیگی تلفون گؤروشمه‌سینده سوریه‌ده فرات چایی‌نین شرقینده 9 اوکتوبردا باشلانیلان باریش پیناری عملیاتینین مقصدلرینی دانیشدی.
اردوغان گؤروشمه‌ده سوریه‌نین قوزئیین‌دکی پ.ک.ک-ی.پ.گ و داعش ترور تهدیدی تامامیله اورتا‌دان قال‌خانا قدر عملیاتین داوام ائدجگینی، بئله‌لیکله تورپاق‌لارینی ترک ائتمک مجبوریتینده قالان سوریه‌لی‌لرین ده کؤنول‌لو و تهلوکه‌سیز شکیلده گئری دؤنمه‌لری‌نین تامین ائدجگینی ایفاده ائتدی
