سودانین سابیق پرزیدنتی بشیرین محکمهسی
سوداندا یولسوزلوق روشوت گوناهلاندیرماسی ایله حاکم قارشیسینا چیخاریلان سابیق پرزیدنتی عمر ال-بشیرین محکمه ایجلاسی، شاهیدلرین ایفادهلرینین آلینماسی اوچون هفتهیه تاخیره سالینیب
سوداندا یولسوزلوق روشوت گوناهلاندیرماسی ایله حاکم قارشیسینا چیخاریلان سابیق پرزیدنتی عمر ال-بشیرین محکمه ایجلاسی، شاهیدلرین ایفادهلرینین آلینماسی اوچون هفتهیه تاخیره سالینیب.
عمر البشیر، " روشوت"، "غیری-قانونی مال الده ائتمه" و " خارجی پول ساخلاما" ادعاسییلا موحاکیمه اولوندوغو داعوادا، آلتینجی دفعه حاکم قارشیسینا چیخدی.
سودان دولت تلویزیونونوندان جانلی یاییملانان، باشکند خارطومدا، عدلی و حقوقی علملر اینستیتوسوندا کئچیریلن ایجلاسدا محکمه، ساوونما مقامینین شاهیدلری کئچمیش ناظیر ابوبکر عواد حسین، کئچمیش کشفیات تشکیلاتی ایقتیصادی امنیت مودیری طاریق عبدالقادیر شوکری و سودان بانکی سیاست، آراشدیرما و ایستاتیستیک باش ایدارهسی امکداشلاریندان بدرالدین حسینین ایفادهسینه مراجعت ائتدی.
شاهیدلردن کئچمیش ناظیر حسین، بشیرین سعودی عربیستانینین ولیعهد شاهزاده محمد بن سالماندان تحویل آلدیغینی ادعا ائتدیگی 25 میلیون دولاردان معلوماتی اولمادیغینی بیلدیریب.
بشیرین وکیللری، اوّلکی ایجلاسلاردا اولدوغو کیمی آوریل آییندا مووککیللرینین ائوینده اله کئچیریلن ارزلرین جینایت تشکیل ائتمدیگینی ایرهلی سوردو.
ساوونما هئیتی، محکمهده سرعتلی دستک گوجلریندن بیر نمایندهنین ده شاهید کیمی چاغیریلماسی طلبیندن ایمتیناع ائدیب.
اؤلکهده، 19 دسامبر 2018ده ایقتیصادی بحران سببیله باشلایان میتینگلرین، سرعتله رژیم علیهینه تحریملره چئوریلندن سونرا اوردو، 11 آوریلده حاکمیته القویدوغونو آچیقلامیش و 30 ایللیک عمر البشیر دؤورو باشا چاتمیشدی.
بشیر، 17 آوریلده کودتانین آردیندان ائو حبسینده توتولدوغو دولت قوناق ائویندن، باشکند خارطومداکی کوبر حبسخاناسینا نقل ائدیلمیشدی.
عمر البشیر، حسابینا پول کئچیرمدیگینی، سعودی عربیستاندان آلدیغی پوللاری دولت خیرینه ایشلرده صرف ائتدیگینی قئید ائدیر.
محکمه نوبتی ایجلاسدا ساوونما هئیتینین، سایشتای، نیظامی خستهخانا و اؤزل طیبه تلویزیونوندان شاهیدلرینی قولاق آساجاق.