آمریکا، اؤلکهلرین نیظامی حرکتلرینی مصنوعی ذکا ایله ایزلهییب
آمریکانین، ساکیت اوقیانوس بؤلگهسینده چین و روسیا باشدا اولماقلا دیگر اؤلکهلرین نیظامی حرکتلرینی مصنوعی ذکا ایله ایزلهییب آنورماللیق و تهدیدلری معین ائتمهیه چالیشدیغی اورتایا چیخدی
آمریکانین، ساکیت اوقیانوس بؤلگهسینده چین و روسیا باشدا اولماقلا دیگر اؤلکهلرین نیظامی حرکتلرینی مصنوعی ذکا ایله ایزلهییب آنورماللیق و تهدیدلری معین ائتمهیه چالیشدیغی اورتایا چیخدی.
آمریکا دفنس-وان خبر سایتینا دانیشان آمریکا ساکیت اوقیانوس هاوا گوجلری اینتقراسیون واحیدی دیرکتور معاوینی سرهنگ ریان رابر، پرل هاربورداکی ساکیت اوقیانوس هاوا گوجلرینین ساکیت اوقیانوس اوزرینده اوچوشلارینین بیر ایللیک رادار ایزلرینین مصنوعی ذکا پروقراملاری ایله نقشهسینی چیخاردیغینی آچیقلاییب.
سرهنگ رابر، بیر ایله قدر گئرییه دوغرو اوچوش ایستیقامتلرینه دایر معلومات توپلاناندا مسیرلرین بیر پورترهسینین الده ائدیلدیگینی قئید ائدهرک، "بورادا نورمال اولانین نه اولدوغونو معین ائدیریک. داها سونرا ایسه آنورمال اولان گؤستریجی نقطهلرینی معین ائدیریک. آنورمال اولان وضعیت ندیر بونو قیمتلندیریریک. داها سونرا بو آنورمال وضعیتین بیزیم اوچون نه معنا ایفاده ائتدیگینی معین ائتمهیه چالیشیریق. بو، بیر شئیلر ایزینده اولان بیر دوشمنین هاوا واسطهسی، یوخسا؟ سادهجه مسیریندن آیریلمیش بیر اوچاق می؟ "ایفادهلرینی ایستیفاده ائتدی.
سرهنگه گؤره، مصنوعی ذکا سایهسینده گونلر آلا بیلهجک بیر پروسه اصلینده دقیقهلره سیغیشدیریلمیش اولور.
بو پروسهین خصوصیله هانسی اؤلکنی هدف آلدیغی و یا هانسی اؤلکهدن سؤز موضوعسو اولا بیلهجک تهدیدلری قارشیسینی آلماق اوچون اویغوندور معلوماتینی پایلاشمایان رابر، چین و روسیانین سون زامانلار ساکیت اوقیانوس بؤلگهسینده تدبیرلرینی آرتیردیغینا دقتی چکدی.
دیگر طرفدن، پنتاگون، کئچن هفته مشترک مصنوعی ذکا مرکزی قوروب.
بو مرکزین، عملیات و کشفیات سینخرون تامین ائتمک، بوتون ساحهلرده و بوتون ساحهلرده قوموتانلیق و نظارت مکانیزملرینه سرعت قازاندیرماق مقصدیله قورولدوغو بیلدیریلیر.