بار یاندیریلدی: ۲۳ اؤلو

مکزیکین گونئیینده وراکروز ایالتین‌ده بیر بارین یاندیریلماسی نتیجه‌سین‌ده ۲۳ نفر اؤلدو.

مقاملار، وراکروزون ساحل شهری کوئاتساکوئالکوس‌دا اولان "کابالو بلانکو" آدلی بارین سالدیرقانلار طرفیندن اودا وئریلدیگینی آچیقلادی.

سالدیریدا ۸ نفری قادین ۲۳ نفرین حیاتینی ایتیردیگی، ۱۳ نفرین یارالاندیغی ایفاده ائدیلرکن، سالدیرقانلارین یاخالانماسی اوچون چالیشمالارین باشلادیلدیغی بیلدیریلدی.

ساوچیلیق افیسین‌دن وئریلن آچیقلامادا، سالدیرقانلارین بارا مولوتوف کوکتیلی آتاراق یانغینی باشلاتدیغی احتیمالی اوزرین‌ده دوردوغو ایفاده ائدیلدی.

وراکروز والی‌سی، سالدیرینین چته‌لر آراسین‌داکی بیر چاتیشما‌نین نتیجه‌سی اولدوغونو دئدی.