ایتالیا-دا حکومت بحرانی
ایتالیا کوالیسیون حکومتینده باش ناظیر معاوینی و ایچ ایشلر ناظیری، حدین‌دن آرتیق ساغچی لیقا پارتیسی‌نین صدری متئو سالوینی ائرکن سئچکییه گئدیلمه‌سینی ایستییر.
ایتالیا کوالیسیون حکومتینده باش ناظیر معاوینی و ایچ ایشلر ناظیری، حدین‌دن آرتیق ساغچی لیقا پارتیسی‌نین صدری متئو سالوینی ائرکن سئچکییه گئدیلمه‌سینی ایستییر.
تکنوکرات باش ناظیر جوزپه كونته صدرلیگیله حکومت اورتاق‌لاری آراسیندا نه واخت‌دیر داوام ائدن فیکیر آیری‌لیق‌لاری پارلامئنتده حاضیرلانماسی ایللردیر سورن تورینو-لیون یوکسک سرعت‌لی قاتار لاییحه‌سینه سس وئرمه ایله بحرانا چئوریلدی.
سؤزوگئدن لاییحه‌نین دایاندیریلماسی اوچون اقتدارداکی M5S پارتیسی‌نین پارلامئنتده وئردیگی تکلیفین رد ائدیلمه‌سی، کوالیسیون اورتاق‌لاری‌نین گون بویو قارشی‌لیق‌لی اتهام‌لاری و بیر-بیری‌لرینی گوناهلاندیرما‌لاری متئو سالوینی‌نین اورتاقلارییلا ایپلری قوپارماسینا گتیریب چیخاردی.
متئو سالوینی باش ناظیر کونته ایله بیر ساعت سورن گؤروشدن سونرا وئردیگی آچیقلامادا، اونا حکومتین پارلامئنتده اکثر سسی ایتیردیگینی سؤیله‌یه‌رک دئییب: "یوکسک سرعت قاتاری لاییحه‌سینه سس وئرمه‌ده آچیق شکیلده بونو گؤردوک. قرار وئرمک اوچون پارلامئنته گئدیریک و سونرا سؤزو سئچیجییه بوراخاجاغیق."
قئید ائدک کی، ایتالیادا 2018-جی ایلین 4 مارس تاریخینده کئچیریلن پارلامئنت سئچکی‌لرینده ان چوخ سس توپلایان ایکی پارتی‌دن لوئیجی دی مایونون صدرلیگیله M5S و سالوینی‌نین صدری اولدوغو لیقا پارتی‌لری تکنوکرات باش ناظیر کونته نین رهبرلیگیله 1 ژوئن ده کوالیسیون حکومتینی قوردو و پارلامئنت‌دن اعتبار سسی آلا‌راق وظیفه‌یه باشلامیشدی.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
