پاکیستان هیندیستاندان، ایسلام آباد سفیرینی گئری چکمهسینی طلب ائتدی
آچیقلامادا، هیندیستان حکومتینه بیر مساژ چاتدیریلاراق، ایسلام آبادداکی سفیرینی گئری چکمهسینین ایستندیگی بیلدیریلدی
پاکیستان هیندیستاندان، ایسلام آباد سفیرینی گئری چکمهسینی طلب ائتدی.
پاکیستان خاریجی ایشلر ناظیرلیگیندن ائدیلن آچیقلامادا، میللی امنیت شوراسی (NSC) کونفرانسیندا آلینان هیندیستان لا ایکیطرفلی دیپلوماتیک علاقهلرین سویهسینی آزالتما قرارینا یؤنلیک آتیلاجاق آددیملار ائشیتدیریلدی.
آچیقلامادا، هیندیستان حکومتینه بیر مساژ چاتدیریلاراق، ایسلام آبادداکی سفیرینی گئری چکمهسینین ایستندیگی بیلدیریلدی.
عینی آچیقلامادا، پاکیستانین دا هیندیستانا سفیر گؤندرمکدن ایمتیناع ائتدیگی ایفاده ائدیلدی.
هیندیستانین نظارتی آلتیندا اولان جاموکشمیرین خصوصی ایستاتوسونو قالدیرماسی گوندمیله باش ناظیرعمران خان باشچیلیغیندا توپلانان میللی امنیت شوراسی، هیندیستانلا دیپلوماتیک علاقه سویهسینی آزالتما و ایکیطرفلی تیجارتی دایاندیرما قراری دا آلدی.
توپلانتیدا عینی زماندا هیندیستانین جاموکشمیر قرارینین بیرلشمیش میللتلره داشیناجاغی قئید ائدیلدی.
هیندیستان، یاریم عصردن اوزون مدتدیر جاموکشمیره ایمتیاز تانییان آنایاسانین 370 اینجی ماددهسینی بازار ارتهسی گونو لغو ائدهرک، بؤلگهنین خصوصی ایستاتوسلو قورولوشونو اورتادان قالدیرمیشدی.
هیندیستاندا جامو کشمیری ایکی بیرلیک تورپاغینا آییران جامو و کشمیرین یئنیدن قورولماسی تکلیفی، اوّل فدرال پارلامنتین اوست قانادی راجیا سابها دا (ایالتلر مجلیسی)، داها سونرا دا فدرال پارلامنتین آلت قانادی لوک سابها دا (خالق مجلیسی) قبول ائدیلمیشدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.