ترامپ: ووردوق
ترامپ، ایرانا عاید آراجی، گمییه ۹۰۰ متر قدر یاخینلاشماسی سببیله ساوونما آماجلی دۆشوردوکلرینی قید ائتدی
آمریکا بیرلشمیش دؤولتلری پرزیدنتی دونالد ترامپ، هرمز بوغازیندا ایرانا عاید بیر اینسانسیز هاوا آراجینی (ایها) ووردوقلارینی بیلدیردی.
آغ ائوده آچیقلاما وئرن ترامپ، هرمز بوغازیندا آمریکا بیرلشمیش دؤولتلری دنیز گوجلرینه عاید یواساس باکسر سالدیری گمیسی و خدمهسینین گوونلیگینی تهدید ائدن اینسانسیز هاوا آراجینی ووردوقلارینی دئدی.
ترامپ، ایرانا عاید آراجی، بیر نئچه دفعه اویاریلماسینا باخمایاراق گمییه ۹۰۰ متر قدر یاخینلاشماسی سببیله ساوونما آماجلی دۆشوردوکلرینی قید ائتدی.
ایران خاریجی ایشلر باخانی محمد جواد ظریف، بیرلشمیش میللتلر تشکیلاتینین باش کاتیبی آنتونیو گوترش ایله گؤروشمهسی اؤنجهسی بیرلشمیش میللتلر باش قرارگاهیندا ترامپین سؤزوگئدن آچیقلاماسینا دایر ژورنالیستلره قیسا بیر دگرلندیرمه وئردی.
جواد ظریف، بیزیم بو گون (دونن) اینسانسیز هاوا آراجییمیزین وورولدوغو یولوندا بیر معلومات یوخدور" دئدی.
ایران خاریجی ایشلر باخانی یاردیمچیسی عباس عراقچی ده تویتر حسابیندان وئردیگی آچیقلامادا بو ایفادهلره یئر وئردی:
"هرمز بوغازیندا، یا دا باشقا بیر یئرده هئچ بیر ایها ایتیرمهمیشیک. یواساس باکسرین اؤز ایهاسینی یانلیشلیقلا وورموش اولاجاغیندان قایغیلییام".
ایلگیلیلی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب