ایرانا حربی مداخیلهدن اؤنجه کنگره اونایی
هر هانسی بیر حربی مداخیلهدن اؤنجه کنگره اونایی آلینماسینی اؤن گؤرن یاسال دۆزنلمه اونایلاندی
آمریکا بیرلشمیش دؤولتلری نمایندهلر مجلسی، باشقان دونالد ترامپین، ایرانا قارشی هر هانسی بیر حربی مداخیلهدن اؤنجه کنگره اونایی آلماسینی اؤن گؤرن یاسال دۆزنلمهنی اونایلادی.
دۆزنلمه، ۱۷۰ه قارشی ۲۵۱ سسله قبول ائدیلدی.
آمریکانین می ۲۰۱۸ده نوکلئر آنلاشمادان تک طرفلی چکیلهرک تحریملری یئنیدن حیاتا گئچیرمهیه باشلاماسیندان سونرا تهران-واشینگتون خطینده گرگینلیک یاشانیر.
ایران اینقیلاب محافظلری اوردوسونون اؤتن آی آمریکایا عایید اینسانسیز هاوا آراجینی (ایها) هرکز بوغازی اوزرینده ووراراق دشورمهسیندن سونرا سؤزوگئدن گرگینلیک یوکسلمیشدی. ایران، ایهانین "هاوا مکانی پوزولماسی سببی ایله وورولدوغونو" ساوونورکن، آمریکا ایسه آراجین "اولوسلارآراسی هاوا مکانیندا وورولدوغونو" اؤنه سورور.
آمریکا پرزیدنتی دونالد ترامپ، ایرانا قارشی هاوا سالدیریسینا اونای وئردیگینی، آنجاق ۱۵۰یه یاخین ایرانلینین اؤلهجگی معلوماتینی آلینجا، سالدیری امرینی دوردوردوغونو آچیقلامیشدی.
آمریکا رهبرلیگی، ایهانین دۆشورولمهسینین آردیندان ایران لیدئری علی خامنهاینی ده قایسایاجاق شکیلده تهرانا قارشی یئنی تحریملر گتیرمیشدی.
گرگینلیک داوام ائدرکن سون اولاراق ایران رهبرلیگی نوکلئر آنلاشمادا یئر آلان زنگینلشدیریلمیش اورانیم رزروی میقدارینی گئچهجگینی اعلان ائتمیش، آمریکا رهبرلیگی ایسه بو قرارا سرت تپکی گؤسترمیشدی.
ایلگیلیلی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب