یونانیستاندا سئچیمی دموکراسی پارتیسی قازاندی
یونانیستان ایچ ایشلر ناظیرلیگینین معلوماتلارینا گؤره، سسلرین یوزده 67سینین ساییلدیغی سئچیمده قاتیلیم نیسبتی یوزده 57.2 اولاراق رئاللاشدی
یونانیستاندا دونن ارکن عمومی سئچیم نتیجهسینده، مرکز ساغدا اولانی دموکراسی پارتیسی (ND)، تک باشینا اقتدارا گلهجک اکثریتی الده ائدیب.
یونانیستان ایچ ایشلر ناظیرلیگینین معلوماتلارینا گؤره، سسلرین یوزده 67سینین ساییلدیغی سئچیمده قاتیلیم نیسبتی یوزده 57.2 اولاراق رئاللاشدی.
کیریاکوس میتسوتاکیس رهبرلیگیندکی دموکراسی پارتیسی، سسلرین یوزده 39.6سینی آلاراق بیرینجی پارتی اولدو. دموکراسی پارتیسی، 300 صندلیک مجلیسده 158 میللت وکیلی چیخاراراق تک باشینا حاکمیته گلیر.
میچوتاکیس، تلویزیون ایله خالقا مراجعت ائدهرک، سئچیم نتیجهلرینین یونانیستاندا دییشیکلیک اوچون اونا صلاحیت وئردیگی بیلدیریب،
"داها چوخ ایش و بؤیومه اوچون داها آز وئرگی و داها چوخ یاتیریمین آرخاسیندایام؛ بونلار امک حاقی، دولتین فعالیتینی و معاش اؤدنیشلرینی آرتیراجاقدیر "دئدی.
میتسوتاکیس-ین بو گون آند ایچهرک وظیفهیه باشلایاجاق.
آلکسیس چیپراس لیدرلیگینده حاکمیتده اولان سول سیریزا ایسه سسلرین یوزده 31.6سینی آلدی. آنا موخالیفته دوشن سیریزانین میللت وکیلی ساییسی 86 اولاراق رئاللاشدی.
یونان خالقینین ایرادهسینه حؤرمت بسلدیگینی دئین چیپراس
"بو گون باشیمیز دیک شکیلده خالقین ایرادهسینی قبول ائدیریک. یونانیستانی بوگونکو موقعیتینه گتیرمک اوچون سیاسی دگری چتین قرارلار آلماغیمیز گرکدی "دئدی.
پاسوک-ون اومورغاسینی تشکیل ائتدیگی دییشیکلیک حرکاتی (KINAL) ایسه یوزده 8 نیسبتی ایله 22 یئر قازاناراق اوچونجو پارتی اولدو. دادلی سسلرین یوزده 5.3ونو قازانان و 15 میللت وکیلی چیخاران یونانیستان کومونیست پارتیسی (KKE) تعقیب ائتدی.
رای نیسبتی بؤیوک میقداردا دوشن رادیکال ساغ قیزیل شفقین ایسه وضعیتی بلیرسیز اولاراق قالیر. یوزده 3 سئچیم باراژینین تطبیق اولوندوغو اؤلکهده یوزده 2.97 سس نیسبتینده اولان رادیکال ساغ پارتینین وضعیتی صاندیقلارین هامیسی آچیلاندا آیدینلاشاجاق.
دیگر طرفدن، باشکند آتنین اکسارهیا سمتیندکی سئچیم مرکزینه گیرن ماسکالی شخصلر طرفیندن بیر سس صاندیغینین اوغورلاندیغی بیلدیریلیب.
رای صاندیغینین سسلندیردیگی سئچیم مرکزینده 14 ژوئیهده تکرار سس وئریلهجگی آچیقلانیب.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب