آوروپا پارلامئنتی‌نین صدری وظیفه‌سی اوغروندا 4 نامیزد موباریزه آپارا‌جاق
آوروپا بیرلیگینه عضو اولان اؤلکه‌لرده می آییندا کئچیریلن سئچکی‌لردن سونرا یئنی دؤنم فعالیتینه باشلایان آوروپا پارلامئنتی بو گون کئچیریله‌جک آوروپا پارلامئنتی صدرلیگی سئچکی‌لرینده نامیزدلرین معین اولوندوغونو آچیقلادی.
آوروپا بیرلیگینه عضو اولان اؤلکه‌لرده می آییندا کئچیریلن سئچکی‌لردن سونرا یئنی دؤنم فعالیتینه باشلایان آوروپا پارلامئنتی بو گون کئچیریله‌جک آوروپا پارلامئنتی صدرلیگی سئچکی‌لرینده نامیزدلرین معین اولوندوغونو آچیقلادی.
سئچکی‌لرده سوسیال دموکرات‌لارین (S&D) نامیزدی، ایتالیان دیوید ماریا ساسولی، آوروپا یاشیل‌لار پارتیسی‌نین (EFA) نامیزدی، آلمان اسکا کلر، آوروپا بیرلشمیش سولو-ایسکاندیناو یاشیل سولونونن (GUE/NGL) نامیزدی، ایسپان سیرا رگو و آوروپا محافظه کارلاری و اصلاحاتچی‌لاری‌نین (ECR) نامیزدی، چک-یالی یان زاهرادیل صدر وظیفه‌سی اوغروندا موباریزه آپارا‌جاق‌لار.
قئید ائدک کی، آوروپا پارلامئنتی 28 عضو اؤلکه‌نین 751 نماینده‌سیندن عبارت‌دیر.
آوروپا بیرلیگی قوروم‌لاری ایچینده بیرباشا خالق طرفیندن سئچیلن یئگانه اورقان اولان آوروپا پارلامئنتی‌نین صدری پارلامئنتین رسمی نماینده‌سی کیمی بوتون ایشلری ایداره ائدیر.
آوروپا پارلامئنتی-نین عضو‌لری 5 ایل مدتینه سئچیلیرلر، آوروپا پارلامئنتی‌نین صدری هر 2،5 ایلده دییشیر. صدر پارلامئنت عضولرینین سس چوخ‌لوغو ایله معین اولونور.
حاضردا صدر وظیفه‌سینی ایتالیان آنتونیو تاجانی ایجرا ائدیر.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
