ادعا: ترامپ، موستقیللیک گونو قوتلامالاریندا نیظامی وسایللرین نوماییش ائتدیرمهسینی ایستهدی
خبرلرده، ترامپین باشکند واشینگتوندا اولان لینکولن عابدهسی اطرافیندا "آمریکانی سلاملاما" آدینی وئردیگی بیر مراسیم کئچیرمک ایستدیگی و بو ایستگینه دایر میللی پارک دیرکتور وکیلی دانیل اسمیت ایله گؤروشدوگو ایفاده ائدیلیب
آمریکانین پرزیدنتی دونالد ترامپین، 4 ژوئیه موستقیللیک گونو قوتلامالاریندا نیظامی وسایللرینی نوماییش ائتدیرمهسینی ایستدیگی ایرهلی سورولوب.
آمریکا مئدیاسیندا یئر آلان خبرلرده، ترامپین باشکند واشینگتوندا اولان لینکولن عابدهسی اطرافیندا "آمریکانی سلاملاما" آدینی وئردیگی بیر مراسیم کئچیرمک ایستدیگی و بو ایستگینه دایر میللی پارک دیرکتور وکیلی دانیل اسمیت ایله گؤروشدوگو ایفاده ائدیلیب.
خصوصیله آمریکان آبرامس تانکلاری و موختلیف زیرئهلی نیظامی وسایللرین تبریک ساحهسینده توپلانماسینی ایستهین ترامپین بوندان باشقا، آمریکا هاوا گوجلرینه عایید اف-35 و اف-22 ساواش اوچاقلارینین دا تدبیر بویو باشکندین گؤیلرینده اوچماسی ایستیقامتینده تاپشیریق وئردیگی قئید ائدیلیب.
دیگر طرفدن، آمریکا مئدیاسی ترامپین بو ایستگینی "آرتیق پولا مال اولاجاغی و شهر آلت یاپیسینا ضرر وئرجگی" و بو سببله ده تنقید ائدرکن، آمریکا ساوونما ناظیرلیگی (پنتاگون) و واشینگتون بلدیهسینین مالیته دایر بیانات وئرمکدن چکینمهسی دقتی چکدی.
ترامپ، اؤتن ایل ده بنزر بیر طلب ائدرک پنتاقوندان، واشینگتوندا گنیش بیر نیظامی گئچید کئچیرمهسینی ایستمیشدی. سؤز قونوسو گئچید مراسیمی، 92 میلیون دولارا مال اولاجاغینین مئدیایا عکس اولونماسینین آردیندان لغو ائدیلمیشدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.