ماداگاسکار-دا ایزدیهام زامانی 15 نفر حیاتینی ایتیریب

ماداگاسکارین پایتاختیندا یارانمیش ایزدیهام زامانی آزی 15 نفر هلاک اولوب.

معلوماتا گؤره، حادثه زامانی داها 80 نفر یارالانیب.

چرشنبه گونو ماداگاسکاردا موستقیل‌لیک گونو قئید ائدیلیب. آنتاناناریوودا مین‌لرله اینسان پول‌سوز ایلنجه تدبیرلرینین کئچیریلدیگی "ماخاماسینا" ایستادیونونا توپلاشیب.

حاکمیت اورقان‌لاری‌نین معلوماتینا گؤره، ایزدیهام ایشتیراکچی‌لارین ایستادیونا مومکون قدر تئز یئرلشمه‌یه چالیشما‌لاری سببیندن باش وئریب.

مراسیمده ایشتیراک ائدن اؤلکه پرزیدنتی آندری راجولینا حیاتینی ایتیرن‌لرین یاخین‌لارینا باش ساغلیغی، یارا‌لی‌لارا عاجیل شفا دیله‌ییب.

قئید ائدک کی، اؤلکه‌ده 2018-جی ایلین سپتامبر افریقا کوپاسینین مقدماتی مرحله‌سینده ماداگاسکار-سنگال موسابیقه سینین کئچیریلدیگی پایتاخت ایستادیونونون گیریش یئرینده باش وئرن ایزدیهام نتیجه‌سینده 40 نفر حیاتینی ایتیرمیشدی.