"ایرانا سالدیری اوچون اونایا احتیاج یوخ"

آمریکا بیرلشمیش دؤولتلرینین پرزیدنتی دونالد ترامپ، ایرانی هدف آلان محتمل بیر سالدیری اوچون کنگره‌نین اونایینا احتیاجی اولمادیغینی دئدی.

دونالد ترامپ، ده هیل اینترنت سایتینا وئردیگی موصاحیبه‌ده، آمریکا-ایران گرگینلیینی دگرلندیردی.

کنگره‌نین راضی‌لیغینی آلمادان ایرانا قارشی هر هانسی بیر سالدیری ائتمک صلاحیتینه صاحب اولوب اولمادیغی شکلین‌ده‌کی سوالا جاواب وئره‌ن ترامپ، "بونا صلاحیتیم وار" دئدی.

ترامپ، "ایران مسئله‌سین‌ده نه ائتدییمیزله باغلی کنگره‌نی دایم بیلگی‌لندیریریک، سانیرام، بونو دا تقدیر ائدیرلر. اونلاری گونجل توتماق ایستییرم، اما قانونی اولاراق بونو ائتمک مجبوریتین‌ده دئییله‌م" ایفاده‌سینی ایشلتدی.

نماینده‌لر مجلسینین دموکرات باشقانی نانسی پلوسینین "ترامپ ایرانی وورمادان اؤنجه بیزدن صلاحیت ایسته‌مه‌لی‌دیر" شکلین‌ده‌کی آچیقلاماسی خاطیرلادیلان ترامپ، "بونا قاتیلمیرام؛ بیر چوخ اینسان بونا قاتیلمیر" دئدی.