آنتونیو گوترش کؤرفز بؤلگه‌سیندکی سون وضعیت‌دن ناراحات‌لیغینی دیله گتیردی
بمت-نین باش کاتیبی آنتونیو گوترشین ایرانین امریکایا مخصوص پیلوت‌سوز اوچوش آپاراتینی وورماسی دا داخیل اولماقلا کؤرفز بؤلگه‌سینده سون زامان‌لار باش وئرن حادثه‌لردن ناراحات اولدوغو بیلدیریلدی.
بمت-نین باش کاتیبی آنتونیو گوترشین ایرانین امریکایا مخصوص پیلوت‌سوز اوچوش آپاراتینی وورماسی دا داخیل اولماقلا کؤرفز بؤلگه‌سینده سون زامان‌لار باش وئرن حادثه‌لردن ناراحات اولدوغو بیلدیریلدی.
بمت باش کاتیبی‌نین سؤزچوسو استفان دوژاریک گونده‌لیک مطبوعات کنفرانسیندا ایران-امریکا گرگینلیغینه دایر سوال‌لارا جاواب وئره‌رک دئییب: "باش کاتیب گوترش ایرانین امریکایا مخصوص پیلوت‌سوز اوچوش آپاراتینی وورماسی دا داخیل اولماقلا کؤرفز بؤلگه‌سینده سون زامان‌لاردا باش وئرن حادثه‌لردن جدی ناراحات‌لیق دویور. باش کاتیب بوتون طرف‌لری ماکسیموم تمکین‌لی اولماغا و حاضردا موجود اولان گرگین‌لیگی داها دا درینلشدیرمک‌دن ایمتینا ائتمه‌یه چاغیریر".
قئید ائدک کی، ایران سپاه پاسدارانی دونن صاباح ساعات لاریندا عمان کؤرفزی ساحل لرینده هرمزگان اوستانی‌نین کوه مبارک کندی ساحلینده ایران هاوا مکانینی پوزدوغو سببی ایله امریکا حربی هاوا قوه‌لرینه مخصوص RQ-4 گلوبال هاواک تیپ‌لی پیلوت‌سوز اوچان آپاراتینی وورولا‌راق محو ائدیلدیگینی آچیقلامیشدی.
امریکا مرکزی قوه‌لر قومان‌دان‌لیغی (CENTCOM) ایسه حادثه‌نی تصدیقلمیش، آنجاق پیلوت‌سوز اوچوش آپاراتی نین اولوسلار آراسی سولاردا اوچارکن وورولدوغونو مودافعه ائتمیشدی.
رسمی تهران و واشینگتون آراسینداکی گرگین‌لیک کئچن هفته عمان کؤرفزیندکی ایکی تانکره یؤنلدیلمیش هوجوما گؤره داها دا درینلشدی. امریکا رهبرلیگی هوجوم‌لارلا علاقه‌دار ایرانی گوناهلاندیردیقدا، رسمی تهران بو ادعا‌لاری قبول ائتمه‌میشدی.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
