اوتریش پارلامنتی کورتسون رهبرلیک ائتدیگی حکومته اعتیماد گؤسترمهدی
اوتریش پارلامئنتینده باش ناظیر سباستیان کورتسون رهبرلیک ائتدیگی حکومته اعتیماد مسئلهسینه باخیلدی
اوتریش پارلامئنتینده باش ناظیر سباستیان کورتسون رهبرلیک ائتدیگی حکومته اعتیماد مسئلهسینه باخیلدی.
موخالیفتده اولان JETZT (ایندی) پارتیسی باش ناظیر سباستیان کورتسا اعتیمادسیزلیق تشببوسو ایله، اوتریش سوسیال-دموکراتلار پارتیسی (SPÖ) ایسه تکجه باش ناظیره قارشی دئییل، بوتؤولوکده حاضیرکی حکومته قارشی اعتیمادسیزلیق تشببوسو ایله چیخیش ائتدی.
پارلامئنتده 52 میللت وکیلی ایله تمثیل اولونان اطریش سوسیال-دموکراتلار پارتیسی نین صدری پاملا رندی واگنر سباستیان کورتسون حاضیرکی حکومت بحرانیندا بیرباشا جاوابدئه شخص اولدوغونو وورغولادی. اونو اطریش آزادلیق پارتیسی ایله کوالیسیون حکومت قورماقدا و اؤلکهنین نفوذونو اولوسلار آراسی عالمده لکهلمکده اتهام ائتدی.
بیر هفته اول کوالیسیون حکومتی ترک ائدهرک موخالیفت پارتیاسینا چئوریلن و 51 میللت وکیلینه مالیک FPÖ تمثیلچیلری ده اونلارا اعتیماد گؤسترمهین سباستیان کورتسا عینی موضعی سرگیلهیهجکلرینی بیان ائتدیلر.
باش ناظیرین صدری اولدوغو اطریش خالق پارتیسی (ÖVP) آدیندان چیخیش ائدن میللت وکیللری هر ایکی تشببوسو تنقید ائدهرک حاضیرکی "متخصص لر حکومتی"نین پاییزدا کئچیریلهجک نؤوبه دن کنار پارلامئنت سئچکیلرینه کیمی ایشینی داوام ائتدیرمهلی اولدوغونو بیلدیردیلر.
183 یئرلیک پارلامئنتده 61 میللت وکیلی ایله تمثیل اولونان ÖVP اعتیمادسیزلیق سس وئرمهسینده موطلق سس چوخلوغونا مالیک اولمایاجاغینا گؤره پارتی تمثیلچیلری موخالیفت پارتیلرینین عضولرینی تمثیل ائتدیکلری فراکسیانین قرارلاری اساسیندا دئییل، شخصی تحلیل و فیکیرلری اساسیندا سس وئرمهیه چاغیردیلار.
موخالیفت پارتیلری آراسیندا 10 میللت وکیلینه مالیک NEOS (یئنی اوتریش و لیبرال فوروم) یگانه پارتی کیمی حاضیرکی حکومته قارشی اعتیمادسیز تشببوسونو دستکلهمهیهجگینی اعلان ائتدی.
بوتون چیخیشلاردان سونرا سسوئرمه کئچیردی. SPÖ, FPÖ و JETZT پارتی لرینین عمومی سس چوخلوغو ایله اطریش پارلامئنتی سباستیان کورتسون رهبرلیک ائتدیگی حکومته قارشی اعتیمادسیزلیق گؤستردی.
دیگر طرفدن، اولکه پرزیدنت آلکساندر وان در بلن موقتی حکومت معین اولانادک مالیه ناظیری هارتویرگ لگرین باش ناظیر وظیفهسینده اولاجاغینی آچیقلادی. بلن ناظیرلرین ایسه سئچکی حکومتی معین اولانا قدر وظیفهدهلرینی داوام ائتدیرهجکلرینی بیلدیردی.
قئید ائدک کی، ایکینجی دونیا محاربهسیندن سونرا اطریش-ده ایلک دفعه اولاراق پارلامئنت حکومتین فعالیتینه اعتیمادسیزلیق تشببوسو اساسیندا سون قویدو.
ایلگیلیلی خبرلر
فرانسهده مسجیده عرقچی هوجوم
لیونون ان قدیم مسجیدی اولان کروا-رُز سمتیندهکی قبا مسجیدینه عرقچی هوجوم ائدیلیب