اینگیلیستاندا ایقتیدارداکی پارتی، آوروپا پارلامنتی سئچیملرینده مغلوبیته اوغرادی
رسمی اولمایان نتیجه‌لره گؤره، اینگیلیستاندا بریکسیتدن چیخمازی، گؤزلندیگی اوزره آوروپا پارلامنتوسو سئچیملرینده تأثیرینی گؤستردی
اینگیلیستان‌ده ایقتیدارداکی محافیظه‌کار پارتی، آوروپا بیرلیگیندن آیریلماغی (بریکسیت) یئرینه یئتیرممه‌سی‌نین تأثیریله آوروپا پارلامنتی سئچیملرینده مغلوبیته اوغرادی.
اینگیلیس یایین قورولوشو بی.بی.سی‌نین یایدیغی رسمی اولمایان نتیجه‌لره گؤره، اینگیلیستاندا بریکسیتدن چیخمازی، گؤزلندیگی اوزره آوروپا پارلامنتوسو سئچیملرینده تأثیرینی گؤستردی.
بریکسیت مسئله‌سینده راضیلیغا گلمه‌ین اؤلکه‌نین عنعنوی ایکی پارتیسی حاکمیت‌دکی محافیظه‌کار پارتی ایله آنا موخالیفت ایشچی پارتیسی قان ایتیریب.
آوروپا بیرلیگیندن آیریلماغی باش سیاستی اولا‌راق معین ائدن، یئنی یارادیلان بریکسیت پارتیسی ایسه سئچیم‌لرده بیرینجی اولدو. رادیکال ساغچی Nigel Farageین لیدرلیگینی ائتدیگی بریکسیت پارتیسی، یوزده 31.6 سس آلدی.
آوروپا بیرلیگی طرفداری لیبرال دموکرات‌لار، بؤیوک بیر چیخیش توتا‌راق یوزده 20.3 ایله ایکینجی گلرکن، ایشچی پارتیسی یوزده 14.1 ایله اوچونجو، آوروپا بیرلیگینده قالماسینی ایسته‌ین یاشیل‌لار 12.1% ایله دؤردونجو اولدو.
حاکمیت‌دکی محافیظه‌کار پارتی ایسه، بریکسیت سیاستی‌نین تأثیری آلتیندا یوزده 9.1 ایله آنجاق بئشینجی سیرادا اؤزونه یئر تاپدی.
بریکسیتی کئچیرمه‌ین و لیدرلیک پروبلمی یاشایان محافیظه‌کار پارتینین 2014دکی آوروپا پارلامنتوسو سئچیم‌لرینه گؤره سس ایتکی‌سی یوزده 14و کئچدی.
سئچیم‌لرده قاتیلیم 36،7% اولارکن، رادیکال ساغچی نامیزد تومی روبینسون ایسه موباحیثه‌لی کامپانیاسینا باخمایا‌راق سئچمه‌دی.
شما‌لی ایرلندده سس‌لرین ساییسی‌نین بو گون باشلانماسی گؤزلنیلیر.
بریتانیانین آوروپا بیرلیگیندن آیریلماسی حالیندا، بو اؤلکه‌یه عایید 73 صندل؛ فرانسا، ایتالیا و ایسپانیانین دا آرا‌لاریندا اولدوغو 14 اؤلکه آراسیندا بؤلوش‌دوروله‌جک.
