آنگلا مرکل آوروپا بیرلیگینده وظیقه ایسته میر
آلمانیا باش ناظیری آنگلا مرکل پایتاخت برلین-ده هوللاندیانین باش ناظیری مارک روته ایله گؤروشدو.
آلمانیا باش ناظیری آنگلا مرکل پایتاخت برلین-ده هوللاندیانین باش ناظیری مارک روته ایله گؤروشدو.
مرکل گؤروشدن سونرا تشکیل ائدیلن مطبوعات کنفرانسیندا آلمانیا باش ناظیری وظیفهسینده داها یاخشی فعالیت گؤسترن بیر آوروپا اوچون سعیلرینی آرتیردیغینی سؤیلهدی.
مرکل اونون آوروپا بیرلیگینده یوکسک وظیفه توتاجاغینا دایر آلمانیا مطبوعاتینداکی ایسپکولاسیونلارلا باغلی سواللاری جاوابلاندیرارکن: "پارتینین صدرلیگیندن ایستعفا وئرهجهیم و 2021-جی ایلده یئنیدن باش ناظیر وظیفهسینه نامیزدلیگیمی ایرهلی سورمهیهجهیم. یعنی هارادا اولارسا-اولسون، آوروپادا دا باشقا بیر سیاسی وظیفم اولمایاجاق" دئدی.
مرکل آوروپا بیرلیگینین بوتون عضو اؤلکهلرینده پوپولیست جریانلارین اولدوغونو قئید ائدهرک: "هامیمیز بو موضوع دا آیری-آیریلیقدا سعی گؤستریریک، آوروپا لاییحهسینه داها چوخ دقت یئتیرمهلی و قورومالیییق" دئدی.
آلمانیا باش ناظیری تصور ائتدیگی آوروپا اوچون قورخوسوز و قرارلی موباریزه آپارماغا داوام ائدجگینی وورغولادی.
قئید ائدک کی، مرکل 6 آی اول پارتی صدرلیگینه و 2021-جی ایلده باش ناظیر وظیفهسینه نامیزد اولمایاجاغینی آچیقلامیش، خریستیان دموکرات بیرلیک پارتیسینین دسامبر آیینداکی قورولتاییندا " آنگرت کرامپ کارن باور"ین صدری سئچیلمیشدی.
آوروپانین و آلمانیانین بعضی سیاستچیلری مرکلین باش ناظیر وظیفهسیندن گئتدیکدن سونرا آوروپا بیرلیگینده یوکسک وظیفه توتا بیله جگینی سؤیلمیشدیلر. آلمان مطبوعاتیندا دا باش ناظیری آوروپا بیرلیگی کمیسیونونون صدری اولاجاغی بارهده ادعالار درج ائدیلمیشدی.