فایز سراج آلمانیا-دا سفرده دیر
لیبی میللی راضیلاشما حکومتی‌نین دؤولت شوراسی‌نین صدری فایز سراج پایتاخت برلینده آلمانیا باش ناظیری آنگلا مرکل ایله گؤروشدو.
لیبی میللی راضیلاشما حکومتی‌نین دؤولت شوراسی‌نین صدری فایز سراج پایتاخت برلینده آلمانیا باش ناظیری آنگلا مرکل ایله گؤروشدو.
آلمانیا حکومتتی‌نین سؤزچوسو اشتفان زایبرت گؤروش‌دن سونرا وئردیگی یازی‌لی آچیقلامادا مرکل و سراجین اساساً، لیبی-نین دوغوسونداکی خلیفه خفتره تابع اولان قوه‌لرین پایتاخت طرابلسا هوجوما باشلاماسیندان سونرا اؤلکه‌دکی موجود وضعیتی موذاکیره ائتدیک‌لرینی بیلدیردی.
مرکلین بمت چتری آلتیندا سیاسی وضعیته گئری قاییدیلماسینی آرزو ائتدیگینی بیلدیرن زایبرت: " مرکل بو ایستیقامتده بمت-نین خصوصی نماینده‌سی‌نین لیبی-ده رمضان آییندا موناقیشه‌نین دایاندیریلماسی تکلیفینی ممنونیتله قارشیلادی" ایفاده‌سینی ایشلتدی.
باش ناظیر مرکلین طرف‌لری دانیشیق‌لار ماساسینا قاییتماق اوچون حاضر اولماغا چاغیردیغینی بیلدیرن زایبرت گؤروشده لیبی-ده قاچقین دوشرگه‌لرین‌دکی آغیر وضعیته گؤره بورا‌لارا اینسانی یاردیمین چاتدیریلماسی ایله باغلی مسئله‌لرین موذاکیره اولوندوغونو قئید ائتدی.
لیبی میللی راضیلاشما حکومتی‌نین دؤولت شوراسی‌نین صدری فایز سراج اؤتن گون آوروپا تورو چرچیوه‌سینده رومادا ایتالیا باش ناظیری جوزپه کونته ایله گؤروشموشدو.
سراجین بو گون ده پاریس-ده فرانسا پرزیدنتی امانوئل ماکرون ایله گؤروشو، داها سونرا اینگیلتره‌یه سفر ائتمه‌سی نظرده توتولور.
قئید ائدک کی، اؤلکه‌نین دوغوسونداکی سلاح‌لی قوه‌لرین لیدری، ژنرال خلیفه خفترین پایتاخت طرابلسی اله کئچیرمک اوچون آوریلین 4-ده هوجوم امری وئریب، بون‌دان سونرا میللی راضیلاشما حکومتی‌نین بیرلیک‌لری بورکان القاداب عملیاتینا باشلاییب‌لار.
لیبی اولوسلار آراسی سویه‌ده تانینان میللی راضیلاشما حکومتی‌نین بیرلیک‌لری ایله خفتره صادق اولان قوه‌لر آراسیندا دؤیوش‌لر تخمینن بیر آیدیر کی، داوام ائدیر.
دونیا ساغلیق تشکیلاتی‌نین سون آچیقلادیغی معلومات‌لارا گؤره، طرابلس و اطرافین‌داکی موناقیشه‌لرده هلاک اولان‌لارینی سایی 400 نفردن چوخ‌دور.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
