آمریکا، مالزی‌دن قاچیریلان پول‌لاری اعاده ائدیب

مالزی‌نین کئچمیش باش ناظیری نجیب رزاق‌ین اتهام اولوندوغو دولت قالخینما فوندو (1MDB) یولسوزلوق چرچیوه‌سینده آمریکایا ترانسفر ائدیلن 200 میلیون دو‌لارین 57 میلیون دولاری مالزی‌یه اعاده ائدیلیب.

مطبوعاتا دانیشان مالزی باش ساوجیسی تومی توماس، دولت قالخینما فوندوندان آمریکایا کؤچورولن پول‌لارین بیر قیسمی‌نین کئچمیش باش ناظیر رزاق‌ین اؤگئی اوغلو رضا عزیز ایله باغلانتیسی اولان Red Granite Pictures آدلی هالیوود فیرماسی‌نین حسابینا کئچیریلدیگینی بیلدیریب.

باش ساوجی توماس، آمریکا حکومتی‌نین بو پولا کئچن هفته ال قویدوغونو و بو گون مالزی‌یه تحویل وئردیک‌لرینی آچیقلاییب.

توماس، قالان پولون دا ایره‌لیله‌ین زامان‌لاردا اعاده ائدیله‌جگینی وورغولاییب.

دیگر طرف‌دن یاسادیشی اتهام‌لاری داوام ائدن نجیب رزاق‌ین، محکمه ساوجیلاریندان‌ گوپال سری رام‌ین دییشدیریلمه‌سی ایستیقامتین‌دکی طلبی کوالا لامپور عالی محکمه‌سی طرفین‌دن رد ائدیلیب.