محمود عباس:"نتانیاهو باریشا اینانمیر"
فیلیسطین-ین دؤولت باشچیسی محمود عباس ایسرایل-ین باش ناظیری بنیامین نتانیاهونون باریشا اینانمادیغینی بیلدیردی.
![محمود عباس:"نتانیاهو باریشا اینانمیر"](http://cdn.trt.net.tr/images/xlarge/rectangle/0f63/ef95/1e21/5cbd5d47a4d66.jpg?time=1718431231)
فیلیسطین-ین دؤولت باشچیسی محمود عباس ایسرایل-ین باش ناظیری بنیامین نتانیاهونون باریشا اینانمادیغینی بیلدیردی.
میصرین پایتاختی قاهیرهده تشکیل ائدیلن عرب دؤولتلری بیرلیگی خاریجی ایشلر ناظیرلرینین نوبه دن کنار ایجلاسیندا چیخیش ائدن فیلیسطین دؤولت باشچیسی محمود عباس نتانیاهونون باریشا اینانمادیغینی و باریش اوچون فیلیسطینلی بیر طرفداش تاپا بیلمهدیگینی ایرهلی سوردوگونو سؤیلهدی.
محمود عباس "ایسرایل آرامیزدا ایمضالانان هئچ بیر موقاویلهنی قبول ائتمهدی" دئیه بیلدیرهرک، آیریجا ایسرایل-ین 1947-جی ایلدن بریدیر هئچ بیر اولوسلار آراسی قراری قوهیه میندیرمهدیگینی وورغولادی.
امریکانین فیلیسطینه قارشی موضعینی ده تنقید ائدن عباس دئییب کی، امریکا رهبرلیگی بیزه وعد ائتدیکلرینین ضدینه آددیم آتدی. اولوسلار آراسی قانونلاری پوزان قرارلار قبول ائتدی و قودسو ایسرایلین پایتاختی اعلان ائتدی.
قئید ائدک کی، عرب دؤولتلری لیگی خاریجی ایشلر ناظیرلری فیلیسطین-ین طلبینه گؤره فیلیسطیندکی سون وضعیتی و امریکانین "عصرین موقاویلهسی" پلانینی موذاکیره ائتمک اوچون ییغینجاق کئچیردی.