آنتونیو گوترش عرب دونیاسینی بیرلیک اولماغا چاغیردی
بمت-نین باش کاتیبی آنتونیو گوترش عرب دونیاسینی بیرلیک اولماغا چاغیراراق، بونون اورتا دوغوداکی باریش و ثابیتلیگین اساس شرطی اولدوغونو سؤیلهدی.
بمت-نین باش کاتیبی آنتونیو گوترش عرب دونیاسینی بیرلیک اولماغا چاغیراراق، بونون اورتا دوغوداکی باریش و ثابیتلیگین اساس شرطی اولدوغونو سؤیلهدی.
تونس-ین ائو صاحیبلیگینده 30-جو عرب بیرلیگی لیدرلر ذیروهسینده چیخیش ائدن باش کاتیب عرب دونیاسینین بیرلیگینین اورتا دوغو-دا باریش و ثابیتلیگین اساس شرطی اولدوغونو بیلدرهرک، بمت-نین ده بؤلگهده باریش و ثابتلییه دستیکین باشقا رولونون اولمادیغینی دئدی.
فیلیسطین-ایسرایل مسئلهسینده ایکی دؤولتلی حلی وورغولایان گوترش فیلیسطین و ایسرایل-ین یان-یانا، باریش و ثابتلیک ایچینده یاشایا بیلمهسی اوچون حل یولونون حیاتا کئچیریلمهسینی، قودسون ایکی اؤلکهنین پایتاختی اولماسینین واجیبلیگینی، بو بارهده ایکینجی سئچیمین اولمادیغینی قئید ائتدی.
گوترش یمن بحرانی ایله علاقهدار اولاراق دا یمن خالقینین پروبلئملرینی حل ائتمک اوچون جهدلرینی داوام ائتدیردیکلرینی، حدیده شهرینده سیاسی حل چرچیوهسینده باریشی تامین اوچون بوتون طرفلرله گؤروش کئچیردیکلرینی دیله گتیردی.
لیبی مسئلهسینه ده توخونان گوترش، آوریلین اورتاسیندا حاضیرلانماسی گؤزلنن و بمت-نین تقدیم ائتدیگی سیاسی حل خریطهسینده سون آددیم کیمی گؤرونن میللی دیالوق فورومونون اوغورلا اولماسینا اومید ائتدیگی سؤیلهدی.