گواریدویا قاداغا قویولدو - 15 ایل وظیفه توتا بیلمز
ونزوئلا حاکمیتی موخالیفت لیدری خوان گواریدویا 15 ایل عرضینده دؤولتده وظیفه توتماغا ایجازه وئریلمهیهجک.
ونزوئلا حاکمیتی موخالیفت لیدری خوان گواریدویا 15 ایل عرضینده دؤولت وظیفهسی توتماغا قاداغا قراری وئریب.
اونون مالیه حسابلاریندا قانون پوزونتولارینا یول وئردیگی ادعا ائدیلیر.
باتی اؤلکهلرینین اکثریتی طرفیندن موقتی پرزیدنت اولاراق تانینان گواریدونون هر هانسی سبب ایرهلی سورمهدن بیر سیرا یئرلی و اولوسلار آراسی قوروملاردان پول آلدیغی ادعا ائدیلمیشدی.
گواریدونون گوناهکار اولاجاغی تقدیرده جریمه لنه جگی یاخود دؤولتده وظیفه توتماسینین قاداغان ائدیله بیله جگی بیلدیریلمیشدی.
دیگر طرفدن امریکانین خاریجی ایشلر ناظیری مایک پمپئو و آغ ائوین میللی تهلوکهسیزلیک عذره موشاویری جان بولتون ونزوئلا-دا اؤزونو موقتی پرزیدنت اعلان ائدن میللی مجلیسیین صدری خوان گواریدونون دؤولتده وظیفه توتماسینین قاداغان ائدیلمهسینه رئاکسیا گؤستریب.
پمپئو و بولتون ونزوئلا حاکمیتینین خوان گواریدونون 15 ایل عرضینده دؤولتده وظیفه توتماسینین قاداغان ائدیلمهسی قراریندان سونرا شخصی تویتر صحیفهلریندکی پایلاشمالاریندا روسیا و کوبا اوزریندن ونزوئلا پرزیدنتی نیکولاس مادورانی تنقید ائدیبلر.
قئید ائدک کی، بو ایلین ژانویه آییندا خوان گواریدو اؤلکهنین موقتی پرزیدنتی اعلان ائدیلیب.