دونالد ترامپ،2 آوریل گونو استولتنبرگ ایله گؤروشمه کئچیرهجک
آغ ائو مطبوعات سرویسی، گلن هفته واشینگتوندا کئچیریلهجک ناتو خاریجی ایشلر ناظیرلری توپلانتیسینا قاتیلماق اوچون آمریکایا گئدهجک اولان استولتنبرگین ترامپ ایله گؤروشهجگینی آچیقلاییب
آمریکانین پرزیدنتی دونالد ترامپ،2 آوریل گونو ناتو باش کاتیبی ینس استولتنبرگ ایله آغ ائوده گؤروشمه کئچیرهجک.
آغ ائو مطبوعات سرویسی، گلن هفته واشینگتوندا کئچیریلهجک ناتو خاریجی ایشلر ناظیرلری توپلانتیسینا قاتیلماق اوچون آمریکایا گئدهجک اولان استولتنبرگین ترامپ ایله گؤروشهجگینی آچیقلاییب.
آچیقلامادا، ترامپین استولتنبرگ ایله گؤروشمهسینده تشکیلاتینین 70-جی ایلی موناسیبتیله ناتو-نون بین الخالق امنیت باخیمیندان اهمیتینه بیر داها قئید ائدجگی بیلدیریلدی.
عینی آچیقلامادا، ترامپ ایله استولتنبرگین "ناتو عضوو اؤلکهلرین اتفاقا وئردیکلری قاتقی پایلارینین آرتیریلماسی" مسئلهسینین ده موذاکیره اولوناجاغی قئید ائدیلیب.
اوّلکی چیخیشلاریندا بعضی ناتو عضوو اؤلکهلری "اولماسی لازیم اولاندان داها آز قاتقی پایی وئرمکله" گوناهلاندیران ترامپ، خصوصیله آلمانیا ایله بو مسئلهده موناقیشه یاشامیشدی.