سناتور: تجاوزا اوغرادیم
"بیر چوخ قوربان کیمی من ده سیستمین منه یئنی باشدان تجاوز ائتدیگینی حس ائتدیم"
آمریکا بیرلشمیش دؤولتلری حربی هاوا گوجلرینین ایلک قادین ساواش پیلوتو عنوانینا صاحب، سناتور مارتا مکسیلی، اوردوداکی وظیفه زامانی یوکسک سویهلی بیر سوبای(افسر) طرفیندن تجاوزه اوغرادیغینی آچیقلادی.
آریزونا ایالتینین جمهوریتچی سناتورو مکسیلی، سنانین سلاحلی خیدمتلر آلت کمیتهسینین "عسگریهده جینسی ساتاشمالار" قونولو محکمه اوتوروموتدا اؤزونون ده بیر تجاووز قوربانی اولدوغونو دئدی.
هاوا گوجلریندهکی گؤرهوی سیراسیندا اوست سویه بیر سوبای طرفیندن تجاووزه اوغرادیغینی ایفاده ائدن مکسیلی،
"اوزون ایللر سسسیز قالدیم، آنجاق داها سونرا اوردو قالماقاللارلا بوغوشورکن و تامامیله یئترسیز تپکیلر وئردیلدیگینده، بعضیلرینین بیلمهسینه ایجازه وئرمهلی اولدوغومو حس ائتدیم. من ده حیاتدا قالانلاردانام" دئدی.
۵۲ یاشلی جمهوریتچی سناتور، او پروسهده یاشادیقلارینی پایلاشماق گیریشیملرینین مقاملار طرفیندن نئجه اله آلیندیغینین اؤزونو چوخ قورخدوغونو و هارداسا هاوا گوجلریندن آیریلما نقطهسینه گلدیگینی ایضاح ائدرک،
"بیر چوخ قوربان کیمی من ده سیستمین منه یئنی باشدان تجاوز ائتدیگینی حس ائتدیم" دئیه دانیشدی.
۲۶ ایل، هاوا گوجلرینده چالیشدیقدان سونرا آلبای روتبهسی ایله امکلی اولان مکسیلی،
"عسگرلیکدهکی جینسی سالدیریلاری دوردورماق اوچون اوزون بیر یول گئتدیک آنجاق گئدهجک داها چوخ یولوموز وار" ایفادهسینی ایشلتدی.