ونزوئلا مودافعه ناظیری: " بیزی سجیهلندیرن بیر شئی وارسا، او دا شرفدیر "
ونزوئلا مودافعه ناظیری ولادیمیر پادرینو لوپز حدهلره باخمایاراق دؤولت باشچیسی نیکولاس مادورویا قیدسیز-شرطسیز صادق قالماغا داوام ائدهجکلرینی بیلدیردی.
ونزوئلا مودافعه ناظیری ولادیمیر پادرینو لوپز حدهلره باخمایاراق دؤولت باشچیسی نیکولاس مادورویا قیدسیز-شرطسیز صادق قالماغا داوام ائدهجکلرینی بیلدیردی.
ونزوئلا مودافعه ناظیری ولادیمیر پادرینو لوپز تلویزیون کاناللاریندا جانلی یاییملانان چیخیشیندا موخالیفتی دستکلمهسی اوچون اردونو حدهلهین امریکا پرزیدنتی دونالد ترامپا جاواب وئردی.
لوپز چیخیشیندا: "دؤولت باشچیمیز و باش قرارگاه رئیسیمیز وار. آدی دا نیکولاس مادورو موروس دور. اول دن آنتی-امپریالیست اولان ونزوئلا اردوسو بولیوارچی میللی سلاحلی قوهلرینی (FANB) شانتاژ و تهدیدلرله مانیپولیاسیا ائدیله بیلمزلر" دئدی.
مودافعه ناظیری آنایاسا و قانونلاری پوزمایاجاقلارینی وورغولایاراق: "بیزی سجیهلندیرن بیر شئی وارسا، او دا شرفدیر. میللی شرف بایراغینی قالدیریریق. اگر بیزی جزالاندیرماق ایستییرلرسه، تحریم تطبیق ائده بیلرلر" دئیه بیلدیردی.
لوپز خاریجی بیر حکومتدن هئچ واخت امر آلمایاجاقلارینی قئید ائدهرک: "ان یوکسک مبلغی تکلیف ائدنه ساتیلان مزدلو عسگرلر دئییلیک. ترامپین اصل مقصدی ونزوئلا-نین ثروتلرینی اوغورلاماقدیر. کوکلا، اطاعت کار و وطنپرور اولمایان بیر حکومت یاراتماق ایستهینلر بولیوارچی میللی سلاحلی قوهلرینده خیدمت ائدن قادین و کیشیلرین ویجدانینی و وطنپرور روحونو قیرماغا نایل اولمایاجاقلار. بئله بیر وضعیتده جسدلریمیزی چئینمهلری لازیمدیر" دئدی.
ناظیر ترامپین اینسانی یاردیم یولو ایله اؤلکهده ایچ ساواش باشلاتماق ایستهدیگینی ده دیله گتیردی.
قئید ائتمک لازیمدیر کی، تاریخینین ان جدی سیاسی و ایقتیصادی بحرانینی یاشایان ونزوئلا-دا "اینسانی بحران و یاردیم" موباحیثه لری امریکا دستکلی موخالیفت ایله حکومت آراسیندا گرگینلیگین ان مهم مقاملاریندان بیریدیر.
ونزوئلا پرزیدنتیی نیکولاس مادورو یاردیملارین امریکانین ایشغال ایستراتژی سینین بیر پارچاسی اولدوغونو بیلدیریر، بو شوویا ایجازه وئرمهیهجگینی قئید ائدیر.
موخالیفت ایسه 300 مین اینسانین عاجیل یاردیما احتیاجی اولدوغو، 2 میلیون اینسانین ساغلیق ریسکی ایله اوز-اوزه قالدیغی اوچون یاردیملارین اؤلکهیه گیرمهسینی واجیب بیلیر.
تضییقلره باخمایاراق مادورویا صادق قالماغا داوام ائدن اردو سرحدی باغلاییب.
موخالیفتین کلمبیانین ونزوئلا ایله سرحدیندکی Cucuta قصبهسینده ساخلانیلان پاکتلری فوریه نین 23-ده اؤلکهیه نئجه گتیرجگی مسئلهسی ده غیری-معین اولاراق قالیر.
امریکانین پرزیدنتی دونالد ترامپ دوننکی چیخیشیندا بو آنا قدر مادورونون یانیندا دایانان ونزوئلا اردوسونو حدهلهییب.
ترامپ بونلاری سؤیلهییب: " گلهجکلرینی، حیاتلارینی و ونزوئلا-نین گله جگینی کوبا اردوسو طرفیندن قورونان بیر آدام اوچون ریسکه آتیرلار. اگر مادورونو دستکلمیی سئچسهنیز، تهلوکهسیز بیر سیغیناجاق و یا آسان بیر چیخیش یولو تاپا بیلمه یه جکسینیز. هر شئیی ایتیرجکسینیز".
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.