نیکولاس مادورو: آمریکا ونزوئلانین نفتینه ال قویماغا چالیشیر
مادورو، سوسیال مئدیا حسابیندان یاییملادیغی ویدئودا، ونزوئلایا قارشی باشدا آمریکا اولماقلا، اولوسلار آراسی ساحهده ده دستکلنن پیسکولوژیک و مئدیاتیک بیر ساواشین باشلانیلدیغینی سؤیلهدی
ونزوئلا پرزیدنتی نیکولاس مادورو، اؤلکهسینین دونیانین ان چوخ پترول رزروینه صاحب اؤلکهسی اولدوغونو،آمریکانین، لیبی و عراقدا ائتدیگی کیمی، ونزوئلانین نفتینه ال قویماغا چالیشدیغینی سؤیلهدی.
مادورو، سوسیال مئدیا حسابیندان یاییملادیغی ویدئودا، ونزوئلایا قارشی باشدا آمریکا اولماقلا، اولوسلار آراسی ساحهده ده دستکلنن پیسکولوژیک و مئدیاتیک بیر ساواشین باشلانیلدیغینی سؤیلهدی.
اؤلکهسینده، آمریکا حکومتی طرفیندن مالیهلشدیریلن و ایداره اولونان کودتا تلاشینین اولدوغونو تکرارلایان مادورو،
" یالان خبرلر ائدیب اوستونده اوینانمیش ویدئو ماتریاللار درج ائدیرلر. آمریکا مئدیاسینین سیزه گؤستردیکلرینه اینانمایین. ونزوئلایا موداخیله ائتمک نیتیله منیم کوتلوی قیرغین سیلاحلاری آلدیغیمی تاپمادیقلاری اوچون، هر گون یالان خبرلرله اؤلکهمیزه موداخیله حاقلی چیخارماغا چالیشیرلار." شکلینده دانیشدی.
مادورو، آمریکا خالقینی شعورلو و بیرلیک اولماغا چاغیراراق، "لاتین آمریکادا بیر ویتنام حادثهسی باش وئرمهسینه یول وئرمیک. اگر آمریکا بیزه موداخیله ائتمهیه قالخسا، خیال ائتدیگیندن داها پیس بیر ویتنام ایله قارشیلاشیر. شیدته یئر وئرمیک، بیز بیر باریش خالقلاریییق. سیمون بولیوار و هوقو چاوز تاریخی ایله شرف دویوروق." دئیه دانیشدی.
ونزوئلادا ساغلام دموکراسینین اولدوغونو و ونزوئلانین حؤرمت ائدیلمگی حاق ائتدیگینی وورغولایان مادورو،
"بیز دونیانین ان چوخ نفت رزروینه مالیک اؤلکهییک. آمریکا، لیبی و عراقدا آپاردیغی کیمی بیزیم نفتیمیزده ال قویماغا چالیشیر. دونیانین ان چوخ قیزیل رزروی و دونیانین دؤردونجو ان چوخ طبیعی گاز رزروی اولان اؤلکهییک. بیزه سالدیری ائتمهلرینین سببی بؤیوک میقداردا طبیعی قایناق و انرژی زنگینلیگینه صاحب اولمامیزدیق. بونا گؤره سیزلری شعورلو اولماغا، دونالد ترامپ حکومتی اطرافینداکی مایک پومپئو، جان بولتون، مایک پنس کیمی رادیکاللارین ونزوئلا حاقینداکی یالانلارینا اینانماماغا و یؤنتدیکلری کودتا یول وئرممهیه چاغیریرام." دئدی.
ونزوئلا دولت باشقانی مادورو، آمریکا ایله یاخین موناسیبتلر یاراتماق آرزوسوندا اولاراق،
" آمریکا، دونالد ترامپدان چوخ داها بؤیوکدور. بو اوزدن باریش و دیپلوماتیک یوللارلا پروبلملریمیزی حلّ ائتمک ایستییرم و ونزوئلا خالقینا حؤرمت ائتمیینیزی خاهیش ائدیرم. آمریکا خالقینین دستگینی، خصوصیله آمریکادا یئنی بیر ویتنام اولماماسی اوچون ایستییرم." ایفادهسینی ایستیفاده ائتدی
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.