اردوغان اؤزل اوچاقلا موسکوایا گئتدی
اردوغانی ، روسیا خاریجی ایشلر ناظیری‌نین معاوینی آلکساندر گروشکو، دولت پروتوکول مودیری ایگور بوگداشو، تورکیه‌نین موسکوا‌داکی سفیری محمت سامسار ایله دیگر ایلگی‌لی‌لر طرفین‌دن قارشیلانیب
تورکیه جمهور باشقانی رجب طیب اردوغان اؤزل اوچاق " TC-TUR " ایله تورکیه ساعاتی ایله 15.15ده روسیانین پایتختی موسکوایا گئتدی.
پرزیدنت اردوغان، موسکوا ونوکووو هاوا لیمانینا گئدیشینده روسیا خاریجی ایشلر ناظیری‌نین معاوینی آلکساندر گروشکو، دولت پروتوکول مودیری ایگور بوگداشو، تورکیه‌نین موسکوا‌داکی سفیری محمت سامسار ایله دیگر ایلگی‌لی‌لر طرفین‌دن قارشیلانیب.
اردوغان ایله خاریجی ایشلر ناظیری مولود چاووش اوغلو، میللی ساوونما ناظیری حولوصی آکار، انرژی و طبیعی قایناق‌لار ناظیری فاتیح دؤنمز، اکینجیلیک و اورمان ناظیری بکیر پاکدمیرلی، میت باشقانی حاکان فیدان، پرزیدنت سؤزچوسو ایبراهیم قالین، پرزیدنت ایلتیشیم باشقانی فخرالدین آلتون دا موسکوایا گئتدی.
پرزیدنت اردوغان، بیر گونلوک سفرده روسیا پرزیدنتی ولادیمیر پوتین ایله بیر آرایا گله‌جک.
سفر چرچیوه‌سینده، ایکی اؤلکه‌نین ایلگیلی ناظیرلری و مسئول‌لارین قاتیلیمی ایله هیتا‌لر آراسی گؤروشمه کئچیریلمه‌سی، روسیا-تورکیه ایکیطرف‌لی موناسیبت‌لری‌نین یانیندا سوریه باشدا اولماقلا، بعضی منطقه‌ای و اولوسلار آراسی مسئله‌لر حاقیندا دا فیکیر موبادیله‌سی آپاریلماسی گؤزلنیلیر.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
