ترزا می، "ب پلانینی" آچیقلاییب
ترزا می، حکومتین آنلاشماسیز بریکسیتی دیشاریدا قویولماسی ایستیقامتین‌دکی طلب‌لرله باغلی اولا‌راق، بونون یولونون پارلامنتین بیر بریکسیت آنلاشما‌سینی تصدیقلمه‌سی اولاجاغینی دئییب
اینگیلیستان باش ناظیری ترزا می، حکومتین آنلاشماسیز بریکسیتی (آوروپا بیرلیگیندن آیریلما) دیشاریدا قویولماسی ایستیقامتین‌دکی طلب‌لرله باغلی اولا‌راق، بونون یولونون پارلامنتین بیر بریکسیت آنلاشما‌سینی تصدیقلمه‌سی اولاجاغینی دئییب.
می، آی ایله گلدیگی بریکسیت آنلاشما‌سی‌نین اؤتن هفته پارلامنتده رد ائدیلمه‌سی‌نین آردین‌دان "ب پلانینی" آچیقلاییب.
پارلامنتین آلت قانادی عوام مجلیسیندا میللت وکیل‌لرینه خیطاب ائدن می، کئچن خبردکی سس وئرمه‌نین آردین‌دان حکومتی‌نین بریکسیت موناسیبتی‌نین دییشمه‌سی لازیم اولدوغونون اورتایا چیخدیغینی سؤیله‌دی.
سس وئرمه‌نین سونرا پارلامنتده تمثیل اولونان پارتی‌لرین رهبرلری و میللت وکیللری ایله گؤروشمه‌لر کئچیردیگینی بیل‌دیرن می، دانیشیق‌لاری "مثبت" کیمی سجیلندیردی.
آنلاشماسیز بریکسیت احتیمالی‌نین ماسا‌دان قالدیریلماسی ایستیقامتین‌دکی طلب‌لری جوابلان‌دیران می،
" آنلاشماسیز بریکسیتی کناردا ساخلاماغین یولو، پارلامنتین بیر آنلاشمانی آونایلاماسی‌دیر. حکومت ده بونو ایستییر." دئدی.
آنلاشماسیز بریکسیتی دیشاریدا بیرخمانین دیگر یولونون یالنیز بریکسیت‌ین لغوی اولاجاغینی بیل‌دیرن می،
"بو، رفراندومو نتیجه‌سینه قارشی گلمک اولار و بونون تعقیب اولماماسی بیر یول اولدوغونا اینانیرام." دئیه دانیشدی.
بریکسیت تاریخینی تاخیره سالمایین ایسه پروبلم‌لری حلّ ائتمیه‌جگینی، یالنیز تاخیره سالاجاغینی ساوونان می، آوروپا بیرلیگی‌نین ده بو سئچجگی دستکلمه احتیمالی‌نین چوخ آز اولدوغونو قئید ائدیب.
بریکسیت مسئله‌سینده یئنی بیر رفراندومو کئچیریلمه‌سی طلب‌لرینه ده توخونان می،
"وظیفه‌میز ایلک رفراندومونون نتیجه‌سینی حیاتا کئچیرمک‌دیر. ایکینجیسی‌نین ائدیلمسی، بو اؤلکه‌ده رفراندوملارینی نئجه ائتدیگیمیزله باغلی اهمیت‌لی نتیجه‌لر دوغورا‌جاق‌دیر. خصوصیله ده اینگیلتره‌نی پارچالاماغا چالیشان‌لارین الینی گوجلن‌دیره‌جک." فیکرینی دیله گتیردی.
یئنی رفراندومونون دا بریکسیت تاریخینی تاخیره سالماغی طلب ائدجگینی بیل‌دیرن می، بو حالدا دا اؤلکه‌نین می آییندا کئچیریله‌جک آوروپا پارلامنتی سئچیم‌لرینه گیرمه‌یه مجبور قالاجاغینی دئییب.
می، حکومتین، بریکسیت آنلاشیلماسیندا "تدبیر مادّه‌سی" بحرانینی آشماق اوچون بلفاست آنلاشما‌سینی دییشدیرجگی ایستیقامتین‌دکی ادعا‌لاری دا یالانلایب.
ترزا می، حکومتین آوروپا بیرلیگی ایله بوندان سونرا کئچیرجگی گؤروشمه‌لرده اسکاتلند، ولز و قوزئی ایرلند نماینده‌لری‌نین فیکیرلرینه داها چوخ یئر وئرجیگنی ده دئییب.
اینگیلتره‌ده یاشایان آوروپا بیرلیگی وطنداش‌لاری‌نین آنلاشماسیز بریکسیت وضعیتینده ده اؤلکه‌دکی قازانیلمیش حاق‌لارینی قورویا‌جاق‌لارینی بیل‌دیرن می، مدت‌سیز ایقامت ایش‌لری اوچون تعیین اولونان 65 استرلین‌لیک مراجعت حاق‌لاری‌نین ده قالدیریلاجاغینی بیلدیریب.
می، پارلامنته بوندان سونرا ایزلنه‌جک یول باره‌سینده "نؤتر" بیر اؤنرگه تقدیم ائده‌جک‌لرینی و بونون دا 29 ژانویه‌ده سسوئرمه‌یه چیخاراجاغینی سؤزلرینه علاوه ائدیب.
